Njelemiya 20:11 - Livulu lya Shukulu Kalunga

¹¹ Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 20:11 Iomraidhean Croise

Myaso 129:2

“Vananjiyandesa visimbu vyavingi tunde ku vukwenje vwange, oloni kuvanjifungulwile.

Myaso 35:26

Voshe vaje vavwaelela a tuyando twange, vavafungulule nakuvatanganesa, voshe vaje valitumbula kupwa vavavwa kutuvakana yange, vazive shwamwa nakushauka!

Myaso 40:14

Shwamwa ivakole vaje vashakezeka mwonyo wange ngeci vaunyongese, ilwisa vuseta-nima nakuzivisa shwamwa, vaje vavwaelela omwo tuyando twange!

Myaso 47:2

Omwo Shukulu Kalunga wa Akamwa ya Akamwa wapwa wakukomokesa, ikeye mwene wakama uje ashwana ano asi oshe.

Myaso 6:10

Vitozi vange voshe vakaziva shwamwa yakama vatenguluka vwasi-vwasi na shwamwa yakufunguluka.

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 66:5

Ijeni mumone vyanapanga Njambi, vilinga vyendi vyakukomokesa vyanalingi akati ka vanu.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 45:16

Vaje voshe vaka-kushonga tumponya vakapwa viyambangani, nakuziva shwamwa.

Njelemiya 1:18

Co yange njikakupwisa nganda yakukola manene, nambe ngwe manda ya vutale, nambe civumbe ca vunengu, mukulwisa lifuti lyoshe, vimyene voshe va mu Yunda, na vamyata vamwo, na vaka-kukombelela vamwo, na vanu voshe va mu lifuti.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 1:8

Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 15:20

Njikakupwisa ngwe cimpaka cakukola manene ca vunengu kuli vanu ava. Vakevo vakakulwisa, oloni kuvakakufungulula embwe. Yange njikakala amo nove nakukunyunga mwamuvwa.

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 23:40

Njikavazivisa shwamwa nakushauka vije naumo wai akacivala ku myaka yoshe.”

Njelemiya 32:18

Ukamwesa cizemo cove cije kucesi kutenguluka ku vanu vavangi-vangi, oloni lalo ukanyanyamesa vanu a vuvi vwa visemi vavo. Yove Shukulu Kalunga, Njambi Muka-nzili yoshe.

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.