Njelemiya 20:10 - Livulu lya Shukulu Kalunga

¹⁰ Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 20:10 Iomraidhean Croise

1 Vimyene 19:2

Co Njezevele watumine lijwi kuli Elinja ngwendi, “Mwa vushunga vinjambi vanjitsiye nga imene a simbu ino vene kunjalingile cuma cimo kuli yove cije walingile kuli vaka-kwimanena.”

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

1 Vimyene 22:27

Valekeni vamwake mu kamenga, co vamwane lika likende na mema noo njiiluka mwamuvwa.”

1 Vimyene 22:8

Ahave wamukumbulwile ngwendi, “Kwali, Mikaya muna Imela. Oloni yange njamuzinda omwo ikeye simbu yoshe kesi kwambulwila vuka-kwimanena vwavuvwa ali yange, oloni vwavuvi lika.” Njosefati wamukumbulwile ngwendi, “Mwene kapandele kwendeka ngacije embwe!”

Yombi 19:19

Vasamba vange va a mbunge vanjikenga na vunyengwe, vanu vaje vanjazemene manene, ololo vananjitengulukila.

Myaso 31:13

Njinazivi vitozi vavangi valinakuyeveta, co vyakujujwisa vyoshe vinanjizengeleka! Valinakutumba matumbe akunjitsiya.

Myaso 31:14

Oloni njakulaela kuli yove Shukulu Kalunga, njendeka ngwange, “Yove u Njambi yange.”

Myaso 41:10

Oloni yove Shukulu Kalunga, njizivileko mema ku mbunge nakunjikangwisa, ngeci njikavelwisile vuvwa ku vuvi.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Myaso 57:4

Njili mukati ka vitozi vakufwa ngwe vindumba. Mayo avo anafu ngwe makunga na mikili, kwendeka kwavo kuvavalesa ku mbunge ngwe mikwale yakuvambuka.

Visimo 10:18

Munu muka-kushweka cizindo cendi wapwa muka-makuli, co munu woshe uje afweya napu cilema.

Isaya 29:21

Njambi akanyongesa vaka-kufweya vakwavo, na vaje vavindika mapwepwe kesi vawane milonga, na vaje vendeka makuli mukuvindika vaka-kulongwa kuwana vushunga.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 11:21

Vanalume va ku Anatote vashakele kunjitsiya, co vanjilekele ngwavo tukutsiya nga ucitwalao kwambulula lijwi lya Shukulu Kalunga.

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 20:3

Alikaki mutondo Pashehule wanjitundisile mu malyenge, co njendekele kuli ikeye ngwange, “Shukulu Kalunga kakakutumbula lalo Pashehule, oloni akakutumbula ‘Kutewa cuma coshe-icoshe.’

Njelemiya 37:13

Oloni omo njetele ku Cikolo ca Mbenjemani, co mwata wa mashwalale uje wakele nakunyunga ku cikolo a simbu ije, lizina lyendi Iliya, muna Shelemiya mutekulu wa Hananiya, wanjivindikile nakwendeka ngwendi, “Yove ushaka kukalipandakana na vaMbambilone!”

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Ezekiyele 22:9

Vanu veni vamo valinakuvangela vakwavo vya makuli ngeci vavatsiye. Vamo valinakulya vin̄ombelo vyakukombelela ku tumponya. Vamo valinakukutisa mashungu avo.

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Luka 20:20

Ngecivene, vakengelelele simbu yaivwa. Co vaanene lizika-kanwa kuli vanu vamo valipwise ngwe vaka-vushunga, co vavatumine kuli Yesu ngeci vakamweseke na vihula ngeci vamwane ku moko na ku nzili ya Nguvulu wa vaLoma.

Vilinga vya Miluwa 24:13

Nambe vase kukwana vukaleo vwa mulonga ou valinakunjana ololo.

Vilinga vya Miluwa 5:33

Omo vaje vaka-Munga vazivile vyuma evi, valuvalele manene vashakele ngeci vatsiye miluwa.

Vilinga vya Miluwa 7:54

Omo vaje vaka-Munga vatolililile kuli Setefano, co valuvalele manene nakulishumanga ku mayo avo mukuviilila.