Njelemiya 2:6 - Livulu lya Shukulu Kalunga

⁶ Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 2:6 Iomraidhean Croise

2 Vimyene 2:14

Co wapupile cije cikoveyo a mema wendekele ngwendi, “Shukulu Kalunga Njambi ya Elinja ali kulijo?” Co welukililemo lalo kupupa a mema, mema alyangunukile, co wajavukile nakuya musambwa.

Yombi 3:5

Litangwa lije ulipwise lya mashelwa manene na lisusulungu, lipwe lyakufwika na mashelwa, co tundisa ceke.

Yombi 35:10

Oloni kuvesi kutengulukila kuli Njambi, Ishamatanga wavo uje muka-kuvana cinyangavili mu simbu yavo ya vukalu.

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 77:5

Njinayongola a matangwa akulaja co njinanuka myaka ya ku san̄ulu.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Isaya 64:7

Naumo wai ali na kukulemesa, co naumo wai alinakumwesa kulongwa kwendi kuli yove. Yove unatukengesa nima, co unatuseze ngeci vuvi vwetu vutunyongese.

Njelemiya 13:16

Singimikeni Shukulu Kalunga Njambi yeni simbu kanda anene lisusulungu mutanuke a minkinda, simbu kanda apwise ceke ngwe lisusulungu.

Njelemiya 2:2

“Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 51:43

Vinganda vinemuka cimweso ca vunyengwe, co vinapu ngwe mambo muje kumwesi mema, muje kumwesi kukala vanu, nambe kwendelamo.

Hoziya 12:13

Co Shukulu Kalunga watumine muka-kwimanena mukupatula vanu va mu Isalele ku vundungo mu Ingito, nakuvanyunga mwamuvwa.

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Amose 2:10

Yange njamitundisile mu Ingito, nakumitwamenena mu mambo myaka makumi awana, co njamyanene lifuti lya vaAmoli kupwa lyeni.

Mateo 4:16

Vanu vaje vakele mu lisusulungu vanamono ceke. Vaje vakele mu lifuti lya lisusulungu lya kutsa, ceke cinavatwila.”

Kwituluka mu Mashiko 1:19

“Twalingile vije vyatushikile Shukulu Kalunga Njambi yetu. Twatundile ku Munkinda wa Sinai, twetile mukati ka mambo yakama yakutewesa mu ngila yakwita mu lifuti lya malundu lya vaAmoli, co twetele ku Kandeshe Mbaleneya.

Kwituluka mu Mashiko 32:10

“Ikeye wavawanene vendangana mukati ka mambo, mu mambo, mwakuhuwa lihunzi, mwakujeneka mema. Ikeye wavanyungile nakuvalela, ngwe munu mwakanyungu lisho lyendi.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Maako 6:13

Ngilyone wendekele kuli ikeye ngwendi, “Oloni Shukulu, omwo vikajo vyoshe evi vilinakulingiwa kuli yetu nga Shukulu Kalunga ali netu? Vili kulijo vikomokeso vyendi vije vatulekele vatatetu ngwavo Shukulu Kalunga ikeye wavatundisile mu Ingito? Oloni ololo Shukulu Kalunga natuseza, co natukundika ku mavoko a vaMindyani.”