Njelemiya 2:32 - Livulu lya Shukulu Kalunga

³² Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 2:32 Iomraidhean Croise

Kushangumuka 24:22

Omo Lembeka wamanesele kunwisa tumelo, co uje munalume wanonele kanzeya ka ngolinde ka ndando yakama wakaakele mu majulu a Lembeka, co wamwakele lalo makayi avali akama a ngolinde ku mavoko endi.

Kushangumuka 24:30

Lambani wamwene kanzeya mu majulu a ndokazi yendi na makayi ku mavoko endi. Co lalo wazivile majwi aje endekele uje munalume na ndokazi yendi. Ngecivene, waile kuli uje ngamba ya Avilahama, co kenga, wamuwanene nemana a lisima na tumelo twendi.

Kushangumuka 24:53

Asinoni wanonele vyuma vyakuzala vya senga vya siliva, na ngolinde, na vuzalo, wavyanene kuli Lembeka. Co waanene lalo vwana vwa ndando yakama manene kuli ndolome yendi na kuli vaina.

2 Samwele 1:24

“Eni vanakazi vaIsalele, lileni Saulu! Ikeye washoveyeye vuzalo vweni na mamanya a seo yakama a ngolinde.

Myaso 106:21

Vevalele Njambi uje wavamenene, Njambi uje wapangele vikomokeso vyakama mu Ingito.

Myaso 9:17

Kutsa kukekwo mamaneselelo a vaka-vuvi, na voshe vaje vavyana Njambi.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 57:11

Shukulu Kalunga alinakwendeka ngwendi, “Vinjambi mukajo ava valinakumizivisa lyova, ngeci mulinakwendeka makuli nakunjivala ivya? Munalikela kunjisingimika omwo njinoloka simbu yakama ndi?

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 2:11

Kukwesi muyati watengulukilile vinjambi vavo nameme vapwile vinjambi va makuli. Oloni yeni munakengesa nima yange Njambi yeni uje naminenela kasingimiko, co munakava vinjambi vaje kuvasa kumilingila cuma cimo.

Njelemiya 2:33

Mwa vushunga mwazivuka mwamuvwa kukavangeya cizemo. Nameme vanakazi vakavilinga vyavivi vasa kumitembunwina.

Njelemiya 23:27

Vayongola ngwavo vinjozi vije vambulula vikalingisa vanu vange ngeci vanjivale, ngwe muvanjivalele vakukulwila vavo, co vatengulukilile kuli Mbale.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Ezekiyele 22:12

Vanu vove vamo valinakutsiya vanu ngeci vavafwete vimbongo. Vamo valinakufwetesa kakondweso a makongo aje valinakwana kuli vavushoko vwavo vaIsalele, co valinakufuka mu ngila ya makuli. Vananjivala yange.’ ” Shukulu Kalunga wa Akamwa ya Vyoshe nendekamo.

Hoziya 8:14

“Vanu va mu Isalele vanatungu mapela, oloni vanevala Muka-kuvatanga. Co vanu va mu Yunda vanatungu vinganda vya vimpaka. Oloni njikatuma tuhya mukwenyeka mapela avo na vinganda vyavo.”

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kujombolola 21:2

Co njamwene Nganda Yakujela, Yelusalema yaiha, ilinakwija kutunda mwilu kuli Njambi, ije inalivwaesela cimweja ngwe shombolwa omwo eta kuli munalume wendi.

Maako 8:34

vanu va Isalele vevalele Shukulu Kalunga Njambi yavo uje wavamenene ku vitozi vavo voshe vaje vavazengelekele.