Njelemiya 2:31 - Livulu lya Shukulu Kalunga

³¹ Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 2:31 Iomraidhean Croise

1 Vimyene 11:22

Co mwene wamwihwile ngwendi, “Omwo vika? Yange njinonwa kukwana cuma cimo ndi? Cikeco ciwushakela kwilukila kwimbo ndi?” Handande wakumbulwile mwene ngwendi, “Embwe, njitave lika njiye.”. Co welukile ku lifuti lyendi. Akupwa mwene wa Endome, Handande wapwile citozi wamuvi manene wa vaIsalele.

2 Mizimbu 31:10

co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

Yombi 21:14

“Vaka-vuvi valinakuleka Njambi ngeci avaseze avo lika, vakevo kuvashaka kuzivuka cizango cendi mukuyoya kwavo.

Myaso 10:4

Muka-vuvi kombuko mbunge kuli Shukulu Kalunga, mu kulyalesa kwendi ayongola ngwendi Njambi waiko.

Myaso 12:4

“Na majwi etu tuwana vije vitushaka. Twendeka mwoshe mutushakela, co naumo wai atuvindika.”

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Njelemiya 2:20

Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Amose 1:1

Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

Mika 6:9

Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda!

1 Kolinte 4:8

Muli na vyuma vyoshe vimushaka ndi? Munafuku laja ndi? Munapu mu vimyene nameme yetu kanda tufwemo ndi? Oloni njashakele ngeci mupwe mu vimyene, ngeci netu tupwe tu vimyene amo neni.

Kwituluka mu Mashiko 31:20

Njikavatwala mu lifuti lije lyalivwa lya vwilo nevi vyakujenekamo vyai muje njalisingile na vakukulwila vavo. Muje vakakala na vyakulya vyoshe vivakashaka, co vakakala mwamuvwa. Oloni vakanjikengesa nima nakulemesa vinjambi veka. Co vakanjivyana nakupokola cikumiiyo cange.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kwituluka mu Mashiko 32:18

Co vevalele Njambi yavo, muyoyesi wavo ikeye muka-nzili, uje wavanene mwonyo.