Njelemiya 2:26 - Livulu lya Shukulu Kalunga

²⁶ Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Njelemiya 2:26 Iomraidhean Croise

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Isaya 1:29

Ukaziva shwamwa omwo walemesele miti nakukuna vitungu vyakujela.

Isaya 44:11

Vanu voshe vaje vakakalemesa vakavazivisa shwamwa. Vanu vaje valinga tumponya kupwa vinjambi vavo vanapu vanu vangoco. Vaije vakusompe mu mbanja ngeci vazive shwamwa.

Isaya 44:9

Vanu vaje valinga tumponya kuvesi na seo, na tumponya vaje vavalinakulinga vapwa vangoco. Voshe vaje valemesa tumponya otu vanapu tupuputwa, vali lalo ku nzimba, co vakavazivisa shwamwa.

Njelemiya 2:36

Omwo vikajo mulinakutengulwila vingila vyeni akukavangeya vinjambi va miyati yeka? Vaka-Ingito vakamizivisa shwamwa, ngwe muvamizivisile shwamwa vaka-Asilya.

Njelemiya 22:22

Vantwama veni vakavapekumuna na lihunzi, vasamba veni vaka-kumikwasa kulwa vakavatwala ku vunzinda, nganda yeni vanaiyeluwisa nakuyizivisa shwamwa, omwo vuvi vwoshe vuje vumunalingi.

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 4:9

Shukulu Kalunga wendekele ngwendi, “A litangwa lije omo vyuma evi vikasholoka, vimyene na vamyata vakazeya mu vimbunge vyavo, vaka-kukombelela vakalijujukila, co vaka-kwimanena vakalikomokela.”

Njelemiya 48:27

Mowavi, anuka muwakele nakushendumuna vanu va Isalele. Wavapangesele ngwe vanu vaje vavakwatele amolika na munga ya vezi.

Ezekiyele 16:54

Ukalizivisa shwamwa yove vavenya, co kushauka kwove kukamwesa vandokazi vove vuvwa vwavo.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!