Njelemiya 2:25 - Livulu lya Shukulu Kalunga

²⁵ Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 2:25 Iomraidhean Croise

2 Mizimbu 28:22

Omo tuyando twendi twaamene manene, uje munalume Ahaze wavulumwine manene ku mesho a Shukulu Kalunga.

2 Mizimbu 28:23

Wakombelelele vin̄ombelo ku vinjambi va vaSilya, vaje vamufungulwile. Wendekele ngwendi, “Vinjambi va vaSilya vakwasele vimyene vaSilya, ngecivene, nga njikombelela kuli vakevo, amo vakanjikwasa.” Oloni eci canenele vukalu vwakama ali ikeye na a lifuti lyendi.

Isaya 2:6

Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Isaya 57:10

Mulinakuliyandesa yeni vavenya nakushakezeka vinjambi veka, oloni kumwesi kujuka. Muyongola ngweni tumponya tweni vamyana nzili, ngeci kumwesi kuzeya.

Njelemiya 13:21

Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Njelemiya 13:22

Nga mukehula ngweni omwo vikajo vyoshe evi vinalingiwa kuli yeni, omwo vikajo vuzalo vweni vwatavozokela nakumilinga vuvi mu ngila kesi ikeyo? Vamilingile vyuma vyoshe evi omwo vuvi vweni vwakukomokesa manene.

Njelemiya 14:10

Shukulu Kalunga alinakwendeka ali vanu ava ngwendi, “Vanu ava vazema kulumbazala ngoco kuvasa kulinyunga vakevo vavenya embwe. Ngecivene, kunjesi nakuvwaelela navo. Njikanuka vuvi vwavo, vuje vuvanalingi, co njikavanyanyamesa omwo vuvi vwavo.”

Njelemiya 18:12

Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 22:20

Vanu va mu Yelusalema, yeni ku Lembanone nakutambeka, yeni ku lifuti lya Mbashane nakutambeka, tambekeni oku muli a minkinda ya Mowavi, omwo vasamba veni voshe vaka-kumikwasa kulwa nzita vanavafungulula.

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 4:4

Vecelela vana vavo kulanduka ku njala na kutsa ku lihwila, vanike valinakulomba vyakulya oloni naumo wai avanavyo.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Hoziya 2:3

Nga shendi kulikela, co njikamushulula nakumupwisa wa mushelengwa ngwe muje mwafwile a litangwa lyendi lyakusemuka. Njikamupwisa ngwe lifuti lyakuminina cau lya vimena, co akatsa ku lihwila.

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Malakiya 3:14

Munendeka ngweni, ‘Cinapu cuma cangoco kupangela Njambi. Seo mukajo iliho yakulinga vije vyanendeka nambe kumwesa Shukulu Kalunga Muka-nzili yoshe ngeci tuli na shwamwa a vije vitunalingi?

Luka 15:22

Oloni ishe wasanene vangamba vendi ngwendi, ‘Zambuleniko! Neneni cikoveyo cacivwa mumuzike. Co lalo muzikeni kanzeya ku mulavo wendi na vin̄aku ku mendi endi.

Luka 16:24

Ngecivene, watambekele ngwendi, ‘Tate Avilahama! Njizivileko mema ku mbunge, tuma Lazalu ambwitike shongo ya mulavo wendi mu mema akunjitonwese a ndaka yange, omwo yange njili mu tuyando twakama mu tuhya tuno!’

Loma 8:24

Omwo tunovoka a cinyangavili, oloni cinyangavili cakumona, cikeco kesi cinyangavili. Omwo iyajo ali na cinyangavili ca vije vyanamono?

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.

Kwituluka mu Mashiko 32:16

Vashangumwine lifuwa lya Shukulu Kalunga akulemesa tumponya, co vamuluvalesele na vilinga vyavo vya vunyengwe.