Njelemiya 2:20 - Livulu lya Shukulu Kalunga

²⁰ Shukulu Kalunga wa Akamwa ya Vyoshe alinakwendeka ngwendi, “Isalele, ku san̄ulu yove wanjisezele nakupokola vikumiiyo vyoshe vije vyakele akati kove nange, wavyanene kunjononoka nakunjilemesa. Oloni a malundu oshe amalaja, na mu minzinze ya miti yoshe yakutonola, walemesele vinjambi vakujeneka seo.

Njelemiya 2:20 Iomraidhean Croise

1 Vimyene 12:32

Co lalo Yelovowame wemikile litangwa lya ciwano ca vunjambi a litangwa lyamulikumi na atanu ku ngonde yamucitanu na vitatu, cakufwa ngwe ciwano cije cakele nakulingiwa mu Yunda. Co a mutula wa ku Mbetele Yelovowame wakombeleleleo vin̄ombelo ku vingombe va ngolinde vaje wafulile, co waakele vaka-kukombelela ku Mbetele mukupanga ku myela ije yakulemesela yatungile.

1 Vimyene 14:23

Co vatungile myela yakulemesela vinjambi vangoco, vemikile vimanda vya mamanya na vimweso vya Ashela mukuvilemesa akamwa ya malundu, na mwisi ya minzinze ya miti.

Myaso 107:14

Wavatundisile mu lisusulungu, na mu munzinze wa kutsa, co wavatwile malyenge avo.

Myaso 2:3

“Tutundeni kukushika kwavo, nakuvyana mashiko avo.”

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Kutuuka 19:8

Co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.” Co Mosesa wambulwile vyuma evi kuli Shukulu Kalunga.

Kutuuka 24:3

Co Mosesa waile walekele vanu vyoshe vyashikile Shukulu Kalunga na vilongesa vyendi vyoshe, co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.”

Kutuuka 3:8

Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 10:27

Omo simbu ije iketa, njikamipatula ku nzili ya Asilya, co mandauluwa yavo kuyikaleme lalo a vitsili vyeni.”

Isaya 14:25

Njikanyongesa vaAsilya mu lifuti lyange lya Isalele nakuvalyatangela a minkinda yange. Njikapatula vanu vange ku vunzinda vwa vaAsilya.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 17:2

Vana veni vakalemesa ku mitula, na ku vifwa vije vivashimbikilile Ashela njambi wa munakazi mwisi ya minzinze ya miti yoshe yakutonola na akamwa ya malundu,

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Njelemiya 30:8

Shukulu Kalunga Muka-nzili yoshe alinakwendeka ngwendi, “Omo litangwa lije likaija, njikapokola mandauluwa ije ili ku mikoshi yavo, nakuvatula malyenge avo, co kuvakapu lalo vindungo va vaka-kwija.

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Ezekiyele 16:28

“Unalingi lalo vupangala na vaAsilya, omwo kuwakutile na mashungu. Co wapwile cikwizi cavo, oloni nameme ngoco kuvakukutisile na mashungu.

Ezekiyele 16:31

A tapalo na tapalo watungilileo mitambela yakulemesela tumponya, nakulingilao vupangala. Oloni yove kuwatondele vimbongo ngwe vikwizi vamo.

Ezekiyele 16:41

Vakenyeka vinjuvo vyove nakutava mbunga ya vanakazi kumona cihiso cove. Co njikakuvindika kupwa cikwizi, nakukuvindika lalo kwana vwana ku vikwizi vove.

Ezekiyele 20:28

Njavanenele ku lifuti lije linjavakulaesele kuvana. Omo vakevo vamwene malundu amalaja na miti yakutonola, co vakombeleleleko vin̄ombelo. Co vanjiluvalesele a vin̄ombelo vije venyekele na a vinyu vije vivanenele kupwa milambu.

Ezekiyele 23:5

Nameme Ohola wapwile wange, oloni wapwile cikwizi, co wazemene vikwizi vendi va ku Asilya.

Hoziya 1:2

Omo akulivanga Shukulu Kalunga wendekele kuli Isalele ali Hoziya, co wendekele kuli Hoziya ngwendi, “Ya ukambate munakazi, munakazi wove akapwa wakujeneka kulongwa, na vana vove vakapwa ngwe ikeye. Mu ngila imo vene, vanu vange vananjiseza vanapu vakujeneka kulongwa.”

Hoziya 2:5

Omwo Ngomele wendekele ngwendi, “Njikakava vaka-cizemo cange vakanjana vyakulya na mema, na vyakuzala vya maka a vimanga na nanga ya linyu, na mazi a olive, na vinyu.”

Hoziya 3:3

Asinoni njamulekele ngwange a simbu yakama akanjivandamene, co kesi akalinge vukwizi, nambe kesi akakale na munalume weka lalo embwe, co a simbu eyi njikamuvandamena.

Hoziya 4:13

Co aje a mitambela yakujela akamwa ya minkinda akeo valinakukombelela vin̄ombelo, co a malundu venyekelao insense mwisi ya miti yailaja, yakujanjavala, omwo munzinze unapu wauvwa! “Omwo vyuma evi, vana veni va vanakazi vanapu vikwizi, na vanyokomweno valinakulinga vupangala.

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

VaLevi 26:13

Yange njapwa Kalunga Njambi yeni, njamitundisile mu Ingito ngeci kesi mupwe vindungo vavo. Co njamanesele nzili ije yamikutile, co njamyecele ngeci mwende nakundikangela.”

Nahumi 1:13

Co ololo njikamanesa nzili ya Asilya ali yeni nakuvatula malyenge aje avanamikutu.”

Kwituluka mu Mashiko 12:2

Mu lifuti lije limukashwana mukanyongesa myela yoshe ije vakalemesela vanu vinjambi vavo a minkinda, na a malundu, na mu minzinze ya miti.

Kwituluka mu Mashiko 15:15

Mwanuke ngeci neni mwapwile mu vinzinda mu lifuti lya Ingito, co Shukulu Kalunga Njambi yeni wamikulile, mukemwo njinamishiki mashiko awa ku litangwa lya lelo.

Kwituluka mu Mashiko 26:17

Litangwa lya lelo mukazivuka Shukulu Kalunga kupwa Njambi yeni, nakwenda mu vingila vyendi vyoshe, nakunyunga vizilika vyendi, na mashiko endi, na vilongesa vyendi, nakwononoka lijwi lyendi.

Kwituluka mu Mashiko 4:20

Oloni yeni mwapwa mu vanu vaje vapatwile Shukulu Kalunga mu Ingito, muje mwakele mu tuyando ngwe tuhya twa lutengo twakushukuma. Ikeye wamitundisile muje nakumipwisa vanu vendi, ngwe mumunafu lelo.

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kwituluka mu Mashiko 5:27

Ngecivene, Mosesa, mwane, shwenya kuyehi ngeci uzive vyoshe vije vyendeka Shukulu Kalunga Njambi yetu. Asinoni utuleke vyoshe vije akuleka Shukulu Kalunga Njambi yetu. Co tukavitolilila nakuvyononoka.’

Yoshwa 1:16

Asinoni vakumbulwile Yoshwa ngwavo, “Tukalinga vyuma vyoshe vije viwunatuleka, co tukaya kwoshe-ikwoshe kuje kuukatutuma.

Yoshwa 24:24

Co vanu va Isalele vendekele kuli Yoshwa ngwavo, “Tukapangela Shukulu Kalunga Njambi yetu, nakwononoka mashiko endi.”

Yoshwa 24:26

Ngecivene, Yoshwa wasonekele mashiko awa mu Livulu lya Mashiko a Njambi. Asinoni wanonele limanya lyakama walitumbikile mwisi ya muti wa Oke kuyehi na mwela wakujela wa Shukulu Kalunga.

Kujombolola 17:1

Asinoni umo wa vaje tungelo vatanu na vavali vaje vakele na malonga atanu na avali wezile kuli yange, co wendekele ngwendi, “Ija kuno njakukuleke vati vakasompa uje cikwizi wakutsimana, nganda ije yakama ivanatungila kuyehi na vindonga vyavingi.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.

Maako 2:11

Ngecivene, vaIsalele valingile mwamuvi ku mesho a Shukulu Kalunga, co vashangumukile kulemesa vaMbale.

Maako 2:13

Vasezele kulemesa Shukulu Kalunga, co vapangelele vaMbale, na vaAsitalete.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’