Njelemiya 2:2 - Livulu lya Shukulu Kalunga

² “Ya ku Yelusalema ukambulwile vanu voshe, ngwove Shukulu Kalunga nendeka ngwendi, ‘Njanuka kulongwa kwove omo wapwile u mwanike, na cizemo cove omo njakwambatele, na muje wanjikavele mu mambo, mukati ka lifuti lije kuvalimine.

Njelemiya 2:2 Iomraidhean Croise

Myaso 129:1

Vananjiyandesa visimbu vyavingi tunde ku vukwenje vwange. Isalele endeke ngwendi,

Kutuuka 14:31

Omo vaIsalele vamwene nzili yakama ya Shukulu Kalunga yahyanene nayo vaka-Ingito, vakomokele Shukulu Kalunga nakukulaela kuli ikeye nakukulaela lalo muli ngamba yendi Mosesa.

Kutuuka 16:8

Asinoni Mosesa wendekele ngwendi, “Ikeye Shukulu Kalunga akamyana situ imukalya ku cingwezi na makende amangi ku simbu ya mutondo, omwo ikeye nazivi kutatoka kweni mulinakumutatwesa. Omo yeni mulinyenga nakututatwesa, kumutatwesa yetu embwe, oloni mulinakulinyenga nakutatwesa Shukulu Kalunga.”

Visimo 1:20

Tolilila, mana alinakusana mu vitapalo na ku mitambela ya vulandeselo,

Myaso ya Solomoni 3:11

Yeni vanakazi va mu Siyone, ijeni mumone Mwene Solomoni. Mwene Solomoni nazala cilongo cije civamuzikile vaina ku mutwe wendi, a litangwa lya vulo vwendi, a litangwa lyakuvwaelela nakujolela kwendi.

Myaso ya Solomoni 3:6

Vikajo vije vilinakwija kutunda mu mambo, vyakufwa ngwe vimanda vya vwisi vilinakunika lwengo lwaluvwa lwa insense na miila, insense yakulandesa vaka-kulandulula?

Isaya 58:1

Shukulu Kalunga alinakwendeka ngwendi, “Tambekeni manene ngwe mumunasela! Lekeni vanu vange va Isalele a vuvi vwavo!

Njelemiya 11:6

Asinoni Shukulu Kalunga wendekele ngwendi, “Ya ku vinganda vya mu Yunda na mu vitapalo vya mu Yelusalema, utambeke majwi ange nakuleka vanu vatolilile ku mashiko a cikumiiyo nakuwononoka.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 2:1

Lijwi lya Shukulu Kalunga lyezile kuli yange ngwalyo,

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 3:4

“Co ololo wendeka kuli yange ngwove, ‘Yove u tate wanjizema tunde ku vwanike vwange.

Njelemiya 7:2

“Imana mu cikolo ca Njuvo ya Shukulu Kalunga, wambulule lijwi eli ku vanu va mu Yunda vaje vakele nakukovela mu Njuvo ya Shukulu Kalunga mukulemesa.

Ezekiyele 16:22

A simbu yakuyoya kwove kwa vunyengwe omo wapwile cikwizi, kuwanukile simbu ya vwanike vwove, omo wakele mushelengwa nakulivulunga mu maninga ove.”

Ezekiyele 16:60

Oloni njikanuka cikumiiyo cije njalikumiiye nove omo wapwile u mwanike, co njikalikumiiya cikumiiyo nove cije cikakala myaka yoshe.

Ezekiyele 16:8

“Co omo njetile kuli yove lalo, njamwene ngeci simbu yove inete yakukala na cizemo. Njakufwikile na kazaku kange, co njakulaesele kukuzema. Eyo, njalikumiiye nove cikumiiyo ca vulo, co yove wapwile u wange.” Evi vikevyo vyanendeka Shukulu Kalunga wa Akamwa ya Vyoshe.

Ezekiyele 23:19

Wanukile vukwizi vwendi omo wakele mu Ingito te mumbanda.

Ezekiyele 23:3

Omo vakele mu Ingito vapwile vambanda, kuvapwile lalo vambanda vaje kanda valimone na vanalume, co vapwile vikwizi.

Ezekiyele 23:8

Kasezele vukwizi vwendi, vuje vwashangumukile mu Ingito omo wapwile mumbanda uje kanda alimone na munalume. Kutunda a simbu ije omo wapwile mumbanda, vanalume valalele nendi nakumupwisa cikwizi.

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Hoziya 2:15

Co njikamwana lalo vitungu vyendi vya mikolovozi ya vushuka vwa vinyu vije vyakele navyo laja, nakutengulula Cana ca Tuyando kupwa cikolo ca cinyangavili. Co akanjitava ngwe muje mwalingile omo wapwile wamundondo, omo watundile ku Ingito.

Hoziya 2:17

Kunjikamutavesa kutumbula lizina lya Mbale lalo embwe.

Hoziya 2:7

Akakava vaka-cizemo cendi, oloni kakavawana. Akavakengezeka, oloni kakavawana. Asinoni akendeka ngwendi, “Njiiluka kuli munalume wange wakulivanga, kuje njakele mwamuvwa kutuvakana muno munjili kuno ololo.”

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Hoziya 9:10

Shukulu Kalunga alinakwendeka ngwendi, “Omo njawanene Isalele akulivanga, capwile ngwe munu nawana mikolovozi ya vushuka vwa vinyu vumena mu mambo. Omo njamwene vakukulwila veni akulivanga, capwile ngwe kumona vushuka vwa mukuyu vwakulivanga kuhya akushangumuka kwa mwaka. Oloni omo vezile ku Munkinda wa Peole, co vashangumukile kulemesa Mbale, co vapwile va vunyengwe manene ngwe lalo vaje tumponya vavazemene.

Yona 1:2

“Ya ku Nenevayi, nganda ije yakama, ukavambulwile, omwo njinamono vuvi vwa vanu vamwo.”

Mateo 11:15

Uje woshe ali na matwi, azive!

Luka 12:13

Munalume umo wa mu mbunga wendekele kuli Yesu ngwendi, “Mulongisi, leka ndolome yange atave ngeci tulipangele vufuko vwatusezelele tate.”

Kwituluka mu Mashiko 2:7

“Anukeni muje mwamivezikisile Shukulu Kalunga Njambi yeni mu vyuma vyoshe vije vimwapangele na mavoko eni. Ikeye vavenya waminyungile omo mwakele nakwendangana mukati ka mambo ije yakama yakukomokesa. Shukulu Kalunga Njambi yeni wakele amo neni a myaka eyi makumi awana, co kumwajenekele cuma na cimo cai.

Kwituluka mu Mashiko 33:3

Shukulu Kalunga wazema vanu vendi, nakunyunga vaje vanapu vendi. Ngeci tukatsikama ku mendi endi nakulemesa, co tukononoka mashiko endi.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

Kujombolola 2:4

Oloni kuli cuma cimo njalinyenge ali yove, kuwesi nakunjizema ngwe muje muwanjizemene akulivanga.