Njelemiya 2:19 - Livulu lya Shukulu Kalunga

¹⁹ Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:19 Iomraidhean Croise

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

2 Mizimbu 12:5

Co Shemaya muka-kwimanena waile kuli Mwene Lehovowame na kuli vantwama va vaYunda vaje vakungulukilile mu Yelusalema kutewa nzita ya Shishake, wendekele kuli vakevo ngwendi, “Shukulu Kalunga nendeka ngwendi, ‘Munanjikengesa nima, mukemwo njinamikundika mu mavoko a Shishake.’ ”

2 Mizimbu 21:10

VaEndome na lelo lino valimanena kutunda ku Yunda. A simbu ije lalo vanu va mu Limbena navo lalo valimanenene, co valyangwilile mwene yavo, omwo Njeholame wasezele Shukulu Kalunga Njambi ya vakukulwila vendi.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

Myaso 36:1

Vuvi vukalingisa vaka-vuvi ngeci vakavangeye viyongola vyavivi vili mu vimbunge vyavo, vakavyana Njambi, co kuvesi kumukomoka.

Kutuuka 33:6

Co omo vatundile ku Munkinda wa Sinai, vanu va Isalele kuvazalele lalo vyuma vya senga embwe.

Visimo 1:31

Ngecivene, mukawana vije vimwashakele, co mukakuta na vilinga vyeni.

Visimo 1:32

Vaka-kujeneka kuzivuka, vakatsi omwo vakavyana mana.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Isaya 5:5

“Eci cikeco cinjikalinga ku citungu cange ca mikolovozi ya vushuka vwa vinyu. Njikatundisa cipatanga cakwo, co njikasiwula civumbe cije canyungako, ngeci tusitu vakalye vushuka nakuvulyatangela.

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 13:22

Nga mukehula ngweni omwo vikajo vyoshe evi vinalingiwa kuli yeni, omwo vikajo vuzalo vweni vwatavozokela nakumilinga vuvi mu ngila kesi ikeyo? Vamilingile vyuma vyoshe evi omwo vuvi vweni vwakukomokesa manene.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Njelemiya 5:22

Yange njapwa Kalunga, omwo vikajo kumunjilemesela? Omwo vikajo kumunjikomokela? Njaakele lishen̄avu kupwa nginga ya mema a kalunga, nginga yakutaluka ije kuvasa kujomboka. Mema a kalunga asa kungwanjanga, oloni kuwasa kujomboka nginga, mankimba asa kungwanjanga, oloni kuwasa kuyijomboka embwe.

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Njelemiya 8:5

Omwo vikajo vanu vange mulinakutunda kuli yange kujeneka kwiluka? Mukakateya ku tumponya tweni, co munavyana kwiluka kuli yange.

Ezekiyele 23:30

vikevyo vinanena evi ali yove. Yove wapwile cikwizi ca miyati yoshe, co walijwalesele na tumponya twavo.

Ezekiyele 39:24

Njavanene vije vivashakele omwo mazilo avo na kupenga-penga kwavo, co njavakengesele nima.”

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Hoziya 13:9

“Njikaminyongesa, yeni vanu va mu Isalele! Co iyajo akamikwasa?

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Hoziya 5:5

Co kulyalesa kwa vanu va mu Isalele kulinakumwesa mulonga wavo. Vuvi vwavo vulinakuvatanukisa nakuwa, co na vanu va mu Yunda valinakuwa amo navo.

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Mika 1:5

Evi vyoshe vikalingiwa omwo vanu va mu Isalele vanalingi vuvi na kutengulukila Njambi. Iyajo ivavayesa akutengulukila kwa Isalele? Kuma kesi Samaliya ndi? Iyajo uje ali na mulonga wa vukwizi mu Yunda? Kuma kesi Yelusalema ndi?

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,

Loma 3:18

nambe kuvalilongesele kukomoka Njambi.”

Maako 10:13

Oloni munanjiseza nakulemesa vinjambi veka, ngecivene, kunjikamyamena lalo embwe.