Njelemiya 2:13 - Livulu lya Shukulu Kalunga

¹³ omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:13 Iomraidhean Croise

2 Vimyene 22:17

Vakevo vananjivyana, co vanakombelela vin̄ombelo kuli vinjambi veka, co vanashangumuna vukalu vwange a vyoshe evi vivanalingi. Vukalu vwange vunakatuka vwakulwisa Yelusalema, co kunjikavututumwisa embwe.

Myaso 36:9

Yove ukaana mwonyo ku vyuma vyoshe. Omo a ceke cove twasa kumona ceke.

Muka-kwambulula 1:14

Njinamono vyuma vyoshe vyalingiwa ano asi, kengeni, vyuma vyoshe vinapu vyangoco. Cinapu lika ngwe kusheka lihunzi.

Muka-kwambulula 1:2

Muka-kwambulula ngwendi vinapu vyangoco-ngoco, vyuma vyoshe vinapu vyangoco.

Muka-kwambulula 12:8

Vyangoco, vyangoco, ngwendi Muka-kwambulula. Vyoshe vinapu vyangoco.

Muka-kwambulula 2:11

Asinoni njayongwele a vije vyoshe vinjalingile, na muje njaundanganene a cipangi cije njapangele, co njamwene ngeci vyoshe vinapu vyangoco. Vinapu lika ngwe kusheka lihunzi, navimo vyai vinjawaneneo ano asi.

Muka-kwambulula 2:21

Omwo munu apanga vipangi vyendi na mana, nakuzivuka, na vutongwe, co aseza vyoshe vije vyanawana kuli munu uje kavipangelele. Eci lalo cinapu cangoco kucavwaele!

Muka-kwambulula 2:26

Njambi aana mana, nakuzivuka, nakuvwaelela kuli vaje vamuvwaelelesa, oloni akapangesa vaka-vuvi, kuwana nakutulika, ngeci vije vivawana vavyane kuli vaje vamuvwaelelesa. Evi vyoshe vinapu vyangoco, vinapu lika ngwe kusheka lihunzi.

Muka-kwambulula 4:4

Asinoni njamwene vanu omo vaundanganene kushaka kukala na vufuko vwavungi kutuvakana vakwavo. Oloni vinapu vyangoco. Vinapu lika ngwe kusheka lihunzi.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 12:3

Ngwe omo mema akutonola akanene kujolela kuli uje ali na lihwila, ngecivene, vanu va Njambi vajolela omo avamena.”

Isaya 5:13

ngecivene, vakamitwala ku mafuti eka kupwa vinzinda. Vantwama veni vakatsa ku njala, co vanu vangoco vakatsa ku lihwila.

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 63:8

Shukulu Kalunga wendekele ngwendi, “Mwa vushunga vapwa vanu vange, kuvasa kunjikwisa embwe.” Ngecivene, wavamenene

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 14:3

Vaka-kufuka vatuma vangamba vavo mukutekula mema, vaya ku masima, oloni vawana mema ai, co vakeluka na vinjava vyavo vyamupulungwa. Vafwika ku mesho avo omwo shwamwa na lyova.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 18:14

Kuma mema akukonda a akamwa ya minkinda ya Lembanone akasangunuka ndi? Kuma mema a a minkinda akutonola ali mu ndonga akauma ndi?

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 2:11

Kukwesi muyati watengulukilile vinjambi vavo nameme vapwile vinjambi va makuli. Oloni yeni munakengesa nima yange Njambi yeni uje naminenela kasingimiko, co munakava vinjambi vaje kuvasa kumilingila cuma cimo.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:26

Shukulu Kalunga alinakwendeka ngwendi, “Ngwe mwizi mwakashauka omo vanamukwata, ngecivene, yeni voshe vanu va Isalele, vimyene veni, na vakulunu veni, na vaka-kukombelela veni, na vaka-kwimanena veni vakamishawisa,

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 5:26

“ ‘Vaka-vuvi vali akati ka vanu vange, vanavandamena ngwe vanu vaje vatsiya tuzila a manimbwa, oloni vanate myeto yavo ngeci vanu vatsemo.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ezekiyele 47:1

Co uje munalume wanjiilwisile ku cikolo ca ku Njuvo ya Shukulu Kalunga. Mema akele nakusheluka mwisi ya cikolo akele nakuya mu ngangela, kuje kuyakengele Njuvo ya Shukulu Kalunga. Co mema ashelukile mwisi ya mutambela wa mu mbwela ya Njuvo ya Shukulu Kalunga, nakuya ku mutambela wa mu mbwela ya mutula.

Mika 2:8

Co Shukulu Kalunga wakumbulwile ngwendi, “Munalwisa vanu vange ngwe vitozi. Mwambata tupote kujeneka mema ku mbunge kuli vaje vaita omo veluka ku nzita.

Mika 6:3

Co Shukulu Kalunga wehwile ngwendi, “Vanu vange, vikajo njinalingi kuli yeni? Mu cifwa mukajo njinapu citele kuli yeni? Njikumbululeni.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:11

Co munakazi wendekele ngwendi, “Shukulu, kuwesi na cuma cakutekwisa mema, lisima lyalova. Kulijo ukawana mema a mwonyo?

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 7:37

Alitangwa lyakumaneselela likelyo litangwa lyakama lya ciwano, Yesu wemanene, co wendekele na lijwi lyakama ngwendi, “Woshe ali na lihwila aije kuli yange anwe.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

2 Petulu 2:17

Vanu ava vanapu ngwe masima atuvwelu-vwelu akuma, ngwe mashelwa akupekumuka na lihunzi lyakama, Njambi navavwaesela mwela mu lisusulungu lyakuzivala vwii.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Maako 10:13

Oloni munanjiseza nakulemesa vinjambi veka, ngecivene, kunjikamyamena lalo embwe.

1 Samwele 12:10

Asinoni valililile kuli Shukulu Kalunga ngeci avakwase, co vendekele ngwavo, ‘Tunalingi vuvi, omwo tunakengesa nima Shukulu Kalunga, tunalemesa tumponya twa Mbale, na Asitalete. Twamene ku vitozi vetu, co tukakulemesa!’