Njelemiya 19:15 - Livulu lya Shukulu Kalunga

¹⁵ Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 19:15 Iomraidhean Croise

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 11:17

“Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 13:11

Ngwe mwiva muukakakateya mu mbunda ya munu, mukemwo vene vanu va mu Isalele voshe, na vanu va mu Yunda voshe vakakateyeye kuli yange. Njalingile vyuma evi ngeci vapwe vanu vange, co vakalemese nakusingimika lizina lyange, oloni kuvanjononokele.”

Njelemiya 17:23

Oloni vakukulwila vavo kuvanjitolililile, nambe kumbako mbunge. Oloni vapwile vaka-kukaluwisa vimbunge, kuvanjononokele nambe kulilongesa kuli yange.

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 25:3

“A myaka makumi avali na itatu, kutunda ku mwaka wamulikumi na itatu uje Yosiya muna Amoni wapwile mwene wa mu Yunda kweta ku litangwa lya lelo, Shukulu Kalunga nendeka kuli yange, co kunjajukile kumileka vije vyendekele. Oloni kumwombileko mbunge embwe.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 25:8

“Ngecivene, omwo kumwasele kumutolilila, Shukulu Kalunga Muka-nzili yoshe alinakwendeka ngwendi,

Njelemiya 36:31

Njikakunyanyamesa, na vatekulwila vove, na vamyata vove, omwo a vuvi vuje vumunalingi muvavoshe. Nambe yove, nambe vanu va mu Yelusalema na mu Yunda kumwombile vimbunge kukunangula kwange, ngecivene, njikanena tuyando twakama ali yeni voshe tuje njalishungwiiye.”

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Mbimbi 2:2

Shukulu Kalunga wanyongesele membo oshe a mu Yunda kujeneka mema ku mbunge, co mu vukalu vwendi wasiwile vimpaka vije vyanyungile lifuti, wazivisile shwamwa vumwene na vaka-kushwana vavwo.