Njelemiya 18:8 - Livulu lya Shukulu Kalunga

⁸ oloni nga uje muyati wa vanu vatenguluka ku vuvi vwavo, co njikatengulula viyongola vyange, kunjikalingi vije vinjayongwele kulinga.

Njelemiya 18:8 Iomraidhean Croise

2 Mizimbu 12:6

Co Mwene na vantwama valitavelele ngeci vanalingi vuvi, vendekele ngwavo, “Shukulu Kalunga wapwa wa vushunga.”

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 135:14

Shukulu Kalunga akamena vanu vendi, nakuzivila ngozi vangamba vendi.

Myaso 90:13

Vukalu vwove vukahwa simbu mukajo yove Shukulu Kalunga? Tetela vangamba vove!

Kutuuka 32:12

Cikapwa vatijo omo vaka-Ingito vakendeka ngwavo yove watwamenenene vanu vove kuvatundisa mu Ingito, nakuvatsiila mu minkinda nakuvanyongeselamo voshe? Likele kuluvala, co yongolako mweka, kesi unene vukalu ovu ali vanu vove.

Kutuuka 32:14

Co Shukulu Kalunga watengulwile viyongola vyendi, kanenele vukalu ali vanu vendi ngwe mwalishungwiiye.

Njelemiya 12:16

Miyati ya vanu ava vakevo valongesele vanu vange kulemesa Mbale. Oloni nga vakendeka ngwavo yange Kalunga njapwa Njambi wa vushunga, co vatava lalo vanu vange ngeci vavalongese muje vanapande kunjilemesela, miyati ya vanu veka ava navo lalo vakapwa vanu vange.

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 26:3

Amo vanu vakatolilila nakwecela vingila vyavo vyavivi. Nga valingamo, asinoni njikatengulula viyongola vyange vyakunyongesa vinjinayongola ali vakevo omwo a vilinga vyoshe vya vuvi vwavo.”

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 42:10

‘Nga muli na cizango cakukala muno mu lifuti, co yange njikamivezikisa, co wai akamipesa, njikamikongweya kunjikamishandola embwe. Co cihiso cije cinjinanena ali yeni canjinenesa vusiwa vwakama.

Ezekiyele 18:21

“Nga muka-vuvi alikela kulinga vuvi, co anyunga mashiko ange, nga alinga vije vya vushunga na vuvwa, co kakatsi embwe, mwa vushunga akayoya.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 33:12

“Ololo, muna munu, leka vaIsalele ngwove omo muka-vushunga alinga vuvi, co vuvwa vuje vwanalingile laja kuvukamwamena. Nga muka-vuvi alikela kulinga vuvi, co kuvakamunyanyamesa embwe. Co nga muka-vushunga ashangumuka kulinga vuvi, co kasa kuyoya.

Ezekiyele 33:13

Njasa kukulaesa mwonyo muka-vushunga, oloni nga akulaela mu vushunga vwendi vwalaja nakushangumuka kulinga vuvi, co kunjikanuka lalo vuvwa vuje vwalingile nalumo lwai. Akatsa omwo a vuvi vuje vwanalingi.

Ezekiyele 33:14

Njasa kunangula muka-vuvi ngwange atsa, oloni nga alikela kulinga vuvi, co alinga vije vyakushungama na vuvwa,

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.