Njelemiya 18:23 - Livulu lya Shukulu Kalunga

²³ Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Njelemiya 18:23 Iomraidhean Croise

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Myaso 35:4

Voshe vaje vashaka kunjitsiya, vavafungulule nakuziva shwamwa! Voshe vaje vanjitumbila vutumbe vwakunjilwisa velwise munima nakuvaiya-iyisa!

Myaso 56:8

Yove wazivuka muvali nakunjiyandesela, yove uzivuka vusiwa vwange. Kuma kuvaisonekele mu livulu ndi?

Myaso 59:5

Ija unjikwase yove Shukulu Kalunga Njambi Muka-nzili yoshe. Yove Njambi wa Isalele! Hisa vaka-kujeneka kukukulaela, kesi uzivile ngozi vaka-kulinga vuvi na vitangwizi.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 2:9

Ngecivene, vanu voshe vakakala na shwamwa na vunyengwe. Kesi uvasambese, Shukulu Kalunga.

Njelemiya 11:23

Njinemika simbu yakunena tuyando ali vanu va ku Anatote, co omo simbu ije iketa naumo wai akasalao.”

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 17:4

Mukaseza lifuti eli linjamyanene, co njikamyecelela ngeci mukapangele vitozi veni mu lifuti lije kumuzivuka, omwo vukalu vwange vwapwa ngwe tuhya, co vukashwama ku myaka yoshe.”

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 26:11

Asinoni vaka-kukombelela na vaka-kwimanena vendekele kuli vantwama na kuli vanu ngwavo, “Ou munu vanapande kumusompela kutsa, omwo nendeka vyakulwisa nganda yetu. Mwalizivila yeni vavenya na matwi eni.”

Njelemiya 26:8

co omo njamanesele kwendeka vyoshe vije vyanjishikile Shukulu Kalunga, vaka-kukombelela, na vaka-kwimanena, na vanu voshe vanjikokangeyeye nakutambeka ngwavo, “Vanapande kukutsiya a evi unendeka.

Njelemiya 37:15

Vamyata valuvalele manene nange, co vashikile mashwalale ngeci vanjipupe nakunjishokela mu njuvo ya Yonatana, muka-kusoneka wa mu mbanja, njuvo yendi ikeyo ivapwisile kamenga.

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mbimbi 3:60

Uzivuka muje vitozi vange muvanjizindila, na muje muvakanjitumbila vutumbe vwakunjilwisa.

Mbimbi 3:61

“Yove Shukulu Kalunga wavazivi muvali nakunjituka, uzivuka matumbe avo oshe.

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.