Njelemiya 18:21 - Livulu lya Shukulu Kalunga

²¹ Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 18:21 Iomraidhean Croise

2 Mizimbu 36:17

Ngecivene, Shukulu Kalunga wavanenelele mwene wa Mbambilone kwakuvalwisa. Co mwene watsiile vakwenje va mu Yunda nameme vene vaje vakele mu Njuvo ya Shukulu Kalunga. Ikeye katetelele munu embwe, mukwenje nambe mukulunu, munalume nambe munakazi, muka-kuvinja nambe mukangule. Njambi wavakundikile voshe kuli ikeye.

Myaso 63:10

Vakavatsiila mu nzita na mikwale, co mivila yavo vakailya ku vimbanje.

Myaso 63:11

Mwene akavwaelela muli Njambi, voshe vaje vanakulaela mu lizina lya Njambi vakajolela, oloni vaka-makuli vakoloka kuluu.

Kutuuka 22:24

co njikaziva matoto nakumitsiila mu nzita. Co vanakazi veni vakapwa vifwile, na vana veni vakapwa visiwa.

Isaya 13:18

VaMende vakatsiya vakwenje na mata avo a lusipa. Kuvakazivila vimbututu mema ku mbunge, nambe kuzivila vanike lalo mema ku mbunge.

Isaya 9:16

Vaje vatwamenena vanu ava valinakuvongumuna nakuvazimbalesa.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 15:7

Njikamishandola kutunda mu vinganda vyoshe vya mu lifuti ngwe lihunzi lipekumuna vishati. Njikaminyongesa yeni vanu vange, njatsiile vana veni, omwo kumwatundile ku vingila vyeni vya vuvi.

Njelemiya 15:8

Vifwile mu Yunda vakapwa vavangi manene kutuvakana lishen̄avu lya ku mema a kalunga. Vakanyonga a simbu ya mutanya, co visemi va vanakazi vakalilila vana vavo, vwasi-vwasi tuyando na lyova vikaija ali vakevo.

Njelemiya 50:30

Ngecivene, vakwenje vamwo vakavatsiila mu vitapalo vya mu nganda, na mashwalale vamwo voshe vakavanyongesa a litangwa lije. Yange Kalunga, njinendekamo.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Mbimbi 5:3

Vitozi vanatsii vatatetu, co ololo vananetu vanapu vifwile.

Ezekiyele 16:38

Njikakuhisa akulinga vupangala nakutsiya, co mukuluvala kwange na mu vukalu vwange, njikakusompela kutsa.

Ezekiyele 22:25

Vantwama vavo vanapu ngwe vindumba valinakwaana omo vasanyozola tusitu vaje vavanatsii. Vatsiya vanu nakwambata vimbongo vyoshe na vufuko vuje vuvawana, co akutsiya kwavo oku, valinakupwisa vanakazi vavangi vifwile.

Amose 4:10

“Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

1 Samwele 15:33

Samwele wendekele ngwendi, “Ngwe omo mukwale wove unalingisa vanakazi kujeneka kukala na vana, ngeci na vanyoko lalo kuvakakala na mwana.” Co wavatozwele Angange vipuka-vipuka kulutwe lwa mutula mu Ngilingale.