Njelemiya 18:20 - Livulu lya Shukulu Kalunga

²⁰ Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 18:20 Iomraidhean Croise

Yombi 6:27

Yeni mwasa kuta n̄ela ngeci visiwa muvapwise vindungo, nakulifukisa a vasamba veni va a mbunge!

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 119:95

Vaka-vuvi vananjivandamena ngeci vanjinyongese, oloni yange njikayongola mashiko ove.

Myaso 35:12

Vanjiilwisila vuvi ku vuvwa vunjinalingi, co njiliziva vulika.

Myaso 35:7

Vananjitela mweto kwakujeneka mulonga, co vananjiindila mbulu yakulova ngeci vanjikwate.

Myaso 38:20

Vaje vapwisa vyavivwa kupwa vyavivi, vanapu vaka-n̄ole yange omwo njikalingi vushunga.

Myaso 57:6

Vitozi vange vananjitela linimbwa ngeci njitseo, tuyando tunatumu manene. Vanjiindilile mbulu mu ngila yange, oloni vawilililemo vakevo vavenya.

Myaso 7:15

Vanu va cifwa eci valinakunjeseka, co kweseka kwavo kuvelukile vakevo vavenya!

Visimo 17:13

Nga wilwisila vyavivi ku vyavivwa, co vuvi kuvukatundu mu njuvo yove.

Visimo 26:27

Vanu vaje vatela vakwavo myeto vatsamo vakevo vavenya. Co vanu vaje vashangumuna limanya ngeci lyandumuke, limanya lije likavandumukila vakevo vavenya.

Muka-kwambulula 10:8

Nga winda mbulu, co ukawilamo, nga utuva civumbe, co linyoka akushuma.

Njelemiya 11:14

Njelemiya, kesi ulombele kuli yange nambe kunjilambelela ngeci njamene vanu ava omo vali mu tuyando, nameme valombela kuli yange ngeci njivakwase, oloni kunjikavatolilila.”

Njelemiya 14:20

Shukulu Kalunga, tunalingi vuvi ku mesho ove, tulitavela vuvi vwetu, na vuvi vwa vakukulwila vetu.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 18:19

Ngecivene, njalombelele ngwange, “Shukulu Kalunga tolilila ku evi njilinakwendeka, tolilila lalo ku evi vivalinakwendeka vitozi vange ali yange.

Njelemiya 18:22

Tuma mbunga ya vanu vakupukule vinjuvo vyavo kwa kuvanangula, valile na lyova. Vananjindila mbulu ngeci njiwilemo, co vananjitela myeto ngeci njitsemo.

Njelemiya 27:18

Nga vanapu vaka-kwimanena va vushunga, co lalo vali na lijwi lyange, vanjilombe yange Kalunga Muka-nzili yoshe, ngeci vufuko vuje vunasala mu Njuvo yange na mu lipela lya mwene wa mu Yunda na mu Yelusalema kesi vavutwale ku Mbambilone.”

Njelemiya 5:26

“ ‘Vaka-vuvi vali akati ka vanu vange, vanavandamena ngwe vanu vaje vatsiya tuzila a manimbwa, oloni vanate myeto yavo ngeci vanu vatsemo.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Mbimbi 3:59

Njisompe mwamuvwa, yove uzivuka vivi vije vivanalingi kuli yange.

Yowano 10:32

Yesu wendekele kuli vakevo ngwendi, “Njinamimwesa vipangi vyavingi vyavivwa vije vyanjanene Tate ngeci njivilinge, co a vyuma evi vili vimo vimunjashela mamanya?”

Yowano 15:25

Oloni evi vyapandele kulingiwa ngeci vije vivasonekele mu Lishiko vipwe vyavushunga ngwavo, ‘Vanjizindile ngoco, nakashwilo kai.’

1 Samwele 19:4

Yonatana washangazalele Ndaviti kuli ishe Saulu wendekele ngwendi, “Mwane, kesi ulinge cuma cacivi kuli ngamba yove Ndaviti. Ikeye kalingile mwamuvi kuli yove embwe, vyoshe vyanalingi vyakukwasa manene yove.