Njelemiya 18:17 - Livulu lya Shukulu Kalunga

¹⁷ Njikashandwela vanu vange kulutwe lwa vitozi vavo, ngwe lihunzi lya mu ngangela. Njikavakengesa nima, kunjikavakwasa omo tuyando twakama twija ali vakevo.”

Njelemiya 18:17 Iomraidhean Croise

Yombi 27:21

Co lihunzi lya mu ngangela likavakomba, nakuvatundisa ku membo avo,

Myaso 48:7

Ngwe lihunzi lya mu ngangela litavozola mato akama a ku Tashishi.

Visimo 24:16

Nameme muka-vushunga awa visimbu vitanu na vivali, akatukamo lalo, oloni vaka-vuvi tuyando tukavanyongesa.

Njelemiya 13:24

Shukulu Kalunga akamishandola, ngwe lihunzi lya mu mambo lipekumuna vishati.

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 32:33

Vanjikengesele nima nameme njakele nakuvalongesa, oloni vakevo kuvasele kunjitolilila.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Ezekiyele 27:26

Omo vaka-kujavula vove vakwakele mu mema a kalunga, co lihunzi lya mu ngangela lyakuvombesele akati ka mema a kalunga.

Ezekiyele 7:22

Kunjikombuko mbunge omo Njuvo yange ya vufuko vaizilula, omo vezi vaituva nakukovelamo nakuyijwalesa.

Hoziya 13:15

Nameme Isalele alinakukula mwamuvwa ngwe shaku, njikatuma lihunzi lya ntwima lyakutunda mu mambo mu ngangela, co likomisa masima avo cau na tuvwelu-vwelu twavo. Likapekumuna vyuma vyoshe vya seo.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

Kwituluka mu Mashiko 31:17

Omo evi vinalingiwa, co njikaluvala navo manene nakuvaseza, co vakavanyongesa. Tuyando twakama tukavawana, asinoni vakananguka vyuma evi vikalingiwa, co vakazivuka ngwavo, Njambi waiho akati kavo, ngeci tuyando otu tunete ali vakevo.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.