Njelemiya 18:16 - Livulu lya Shukulu Kalunga

¹⁶ Lifuti lyavo vanalipwisa lyakukomokesa, likapwa lyakushauka ku myaka yoshe. Voshe vaje vaketilamo vakalisimoka a vije vakamonamo, vakaningangesa mitwe yavo nakulikomokela.

Njelemiya 18:16 Iomraidhean Croise

1 Vimyene 9:8

Co eyi Njuvo ikemuka mutumbo wangoco, co munu woshe aketilako akalisimoka nakulikomokela, co akehula ngwendi, ‘Omwo vikajo Shukulu Kalunga nalingi eci ku lifuti lino na ku Njuvo eyi?’

2 Mizimbu 29:8

Omwo a cuma eci mukemwo Shukulu Kalunga naluvala na Yunda na Yelusalema, co cije calingile kuli vakevo cakasamesele nakuzivisa lyova munu woshe. Yeni mwazivuka mwamuvwa eci.

Myaso 109:25

Omo vanu vanjimona, co vanjishendumuna nakulipika ku mitwe yavo.

Myaso 22:7

Voshe vaje vanjikenga vanjishendumuna, nakulipika ku mitwe yavo.

Myaso 44:14

Unatupwisa cuma cakushauka akati ka miyati, valinakulipika ku mitwe yavo omwo yetu, nakutushendumuna.

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Njelemiya 19:8

Co njikaviisa manene Yelusalema ngeci vanu voshe vakaitako vakalikasamena nakuziva lyova.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 42:18

“Shukulu Kalunga, Njambi ya Isalele alinakwendeka ngwendi, ‘Ngwe muje njaluvalele na vanu va Yelusalema, ngecivene, njikaluvala lalo neni nga yeni muya ku Ingito. Mukakala mu vukalu vwakama manene, co vanu vakamishendumuna, nakupangesa lizina lyeni kupwa cisingo. Nalumo lwai lalo mukamona mutambela uno.’ ”

Njelemiya 44:12

Ngwe ali vanu va mu Yunda vaje vanasala, vaje vali na cizango cakuya nakukakala ku Ingito, voshe njikavanyongesa, vanike na vakulunu voshe, vakatsila mu Ingito, mu nzita, nambe ku njala ya lyangengela. Vakapwa vanu va vunyengwe, vanu va mafuti eka vakavashendumuna, co lizina lyavo likapwa cisingo.

Njelemiya 48:27

Mowavi, anuka muwakele nakushendumuna vanu va Isalele. Wavapangesele ngwe vanu vaje vavakwatele amolika na munga ya vezi.

Njelemiya 49:13

Yange njinalisingi ngwange nganda ya Mbozile ikemuka cimweso ca vunyengwe, nakupwa mambo, co vanu vakalishendumuna na kupwisa lizina lya nganda cisingo. Co mambweli oshe akapwa vingundu ku myaka yoshe. Yange Kalunga, njinendekamo.”

Njelemiya 49:17

Shukulu Kalunga wendekele ngwendi, “Cihiso cije cikaija a Endome, cikapwa cakukomokesa manene, munu woshe uje aketilako akalisimoka nakulikomokela.

Njelemiya 50:13

Omwo a vukalu vwange, naumo wai akakala mu Mbambilone, oloni ikapwa ngundu yangoco, co voshe vaketilako vakalisimoka nakulikomokela.

Njelemiya 51:37

Lifuti lije likemuka ngundu, muje muvakakala tusitu. Likapwa lifuti lya vunyengwe, co naumo wai akakalamo, voshe vakalimona vakalikomokela.

Njelemiya 51:43

Vinganda vinemuka cimweso ca vunyengwe, co vinapu ngwe mambo muje kumwesi mema, muje kumwesi kukala vanu, nambe kwendelamo.

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 1:12

“Kuma eci kucesi nakulumbununa cuma cimo kuli yeni mulinakwita mu ngila ndi? Kengeni nga kuli umo namono tuyando ngwe yange, tuyando tuje nanjinenela Shukulu Kalunga a simbu ya vukalu vwendi vwakama.

Ezekiyele 12:19

Leka muyati woshe ngwove awa akewo majwi a Shukulu Kalunga wa Akamwa ya Vyoshe kuli vanu va mu Yelusalema, vaje vacili nakuyoya mu lifuti lyavo ngwove vakajaja omo vakalya, nakulijujukila na lyova omo vakanwa. Lifuti lyavo likemuka ngundu, omwo vanu voshe vaje valinakukalamo kuvesi nakukava mashiko.

Ezekiyele 27:36

Yove unai, unai ku myaka yoshe, co vaka-kulandesa vaje vali akati ka vanu vanalikasamena, kutsa kwove kunapu kwakuvi manene, kuvashaka ngeci na vakevo lalo vawile mu luvinda olu.”

Ezekiyele 36:3

“Ngecivene, ambulula vuka-kwimanena vwa vije vinjendeka yange Kalunga wa Akamwa ya Vyoshe. Omo mafuti akulyata vafungulwile nakupukula minkinda ya Isalele, co voshe vashendumwine Isalele.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

VaLevi 26:32

Co njikanyongesa lifuti lyeni lyoshe njwa, ngeci vitozi vaje vakakalamo vakalisimoke akuviya kwangacije.

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

Mika 6:16

Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”

Mateo 27:39

Co vanu vakele nakwita kuje vaningangesele mitwe yavo nakushaula Yesu,

Mako 15:29

Co vanu vaje vakele nakwita kuje vaningangesele mitwe yavo nakushaula Yesu ngwavo, “Lelo tumona! Yove washakele kusiwula Njuvo ya Shukulu Kalunga, co ukayitunga lalo a matangwa atatu!

Kwituluka mu Mashiko 28:59

co akatuma kuli yeni na kuli vatekulwila veni mishongo yakujeneka kusaka, na mishongo yakukomokesa ije naumo wai akasa kuyivindika.

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.