Njelemiya 18:15 - Livulu lya Shukulu Kalunga

¹⁵ Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 18:15 Iomraidhean Croise

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 57:14

Shukulu Kalunga alinakwendeka ngwendi, “Eceleni vanu vange veluke kuli yange. Tundiseni mingowa mu ngila ya vanu vange! Sheveni tapalo nakuyivwaesela cimweja!

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Isaya 65:7

vuvi vwavo na vuvi vwa vakukulwila vavo. Vanenyekela insense ku tuzangu twa a malundu twa vaka-kujeneka kukulaela nakwendeka mwamuvi kuli yange. Ngecivene, njikavahisa ngwe ku vilinga vyavo vije vivalingile simbu ya kunima.”

Isaya 9:16

Vaje vatwamenena vanu ava valinakuvongumuna nakuvazimbalesa.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 11:12

Asinoni vanu va mu Yunda na vanu va mu Yelusalema vakatambeka ku vinjambi vaje vavanakala nakukombelela. Oloni vinjambi vaje kuvakavamena omo vali mu vukalu.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 11:17

“Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 13:25

Shukulu Kalunga nendeka ngwendi ou ukewo mutambela wove unjinakwana, omwo unanjivala, co unakulaela vinjambi va makuli.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 18:14

Kuma mema akukonda a akamwa ya minkinda ya Lembanone akasangunuka ndi? Kuma mema a a minkinda akutonola ali mu ndonga akauma ndi?

Njelemiya 19:5

vanatungila Mbale mutula ngeci venyekeleo vana vavo kupwa vin̄ombelo vya kwenyeka. Kunjavashikile kulinga ngeci embwe, nameme kuciyongola mu mbunge yange.

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 2:32

Kuma shombolwa asa kwivala vyakuzala vyendi vya senga, nambe cikoveyo cendi ca vushombolwa ndi? Oloni vanu vange vananjivala matangwa amangi manene.

Njelemiya 3:21

Vanazivi muyoyo akamwa ya malundu, vanu va Isalele valinakulila nakulambelela, omwo vanakele nakuyoya mu vuvi co vanevala Shukulu Kalunga Njambi yavo.

Njelemiya 44:25

“Yeni, na vanakazi veni, mwalisingile cikulaeso na Lishano lya Mwilu. Mwakulaesele ngeci mukakombelela vin̄ombelo, nakwitila milambu ya vinyu kuli ikeye, co mwanyungu cikulaeso ceni. Mwamuvwa nyungeni vikulaeso vyeni, nakunyunga lalo visingo vyeni!

Njelemiya 51:18

Tumponya twapwa twangoco, co vanapandele kutuyeluwisa, omo Shukulu Kalunga akaija, tumponya twoshe vakatunyongesa.

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ezekiyele 21:15

Unapu mukwale wakuzeyesa vanu vange nakuvatanukisa. Njilinakulishungwiya nganda yavo na mukwale wakuvyakula ngwe muhyato, vanawinika ngeci utsiye vanu.

Ezekiyele 36:15

Lifuti kulikatwalao kutolilila ku miyati ije ilishendumuna, nambe kumona vanu vaje valinakulishaula. Lifuti kulikevi lalo vana va miyati yavo. Munjinendeka yange Kalunga wa Akamwa ya Vyoshe.”

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 2:13

Njikamunyanyamesa a visimbu vije vyananjivalele, omo wenyekelele insense kuli Mbale nakuzala vuzalo vwendi vwa senga mukukavangeya munima ya vaka-cizemo cendi. Mwanendeka Shukulu Kalunga.

Hoziya 2:6

Ngecivene, njikamusitila mu cipatanga ca mishwena, nakutunga civumbe cakushoka ngila yendi.

Malakiya 2:8

“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni.

Mateo 15:6

kapandele kusingimika ishe. Mu ngila eyi munazimangana lishiko lya Njambi ngeci mukavangeye vilongesa vyeni.

Loma 14:21

Cuma cacivwa kulinga cinapu kujeneka kulya situ nakunwa vinyu, nambe kulinga cuma cimo ceka cije citanukisa mukweni.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.