Njelemiya 18:12 - Livulu lya Shukulu Kalunga

¹² Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 18:12 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Vimyene 6:33

Omo kanda acimanese kwendeka evi, co katumwa ka mwene wetele, wendekele ngwendi, “Shukulu Kalunga ikeye nanene vukalu vwoshe ovu ali yetu! Vikajo njimuvandamena ngeci atukwase?”

Isaya 57:10

Mulinakuliyandesa yeni vavenya nakushakezeka vinjambi veka, oloni kumwesi kujuka. Muyongola ngweni tumponya tweni vamyana nzili, ngeci kumwesi kuzeya.

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 11:8

Oloni kuvatolililile nambe kwononoka. Oloni munu na munu wakaluwisile mbunge nakulinga vuvi simbu yoshe. Njavashikile kunyunga cikumiiyo, oloni vavyanene. Ngecivene, njavatuminine vihiso vyoshe ngwe muvyapwile.”

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 6:17

Asinoni Shukulu Kalunga wemikile vaka-kwimanena kunangula vanu vya vushonde, oloni vendekele ngwavo, “Kutukatolililako.”

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Ezekiyele 37:11

Njambi wendekele kuli yange ngwendi, “Muna munu, vanu va Isalele vanafu ngwe vitsiya evi. Vakevo vendeka ngwavo vanapu vitsiya vyakuminina cau, cinyangavili cavo cinahu, co vananyongo.

Malakiya 3:14

Munendeka ngweni, ‘Cinapu cuma cangoco kupangela Njambi. Seo mukajo iliho yakulinga vije vyanendeka nambe kumwesa Shukulu Kalunga Muka-nzili yoshe ngeci tuli na shwamwa a vije vitunalingi?

Luka 1:51

Ikeye nolola livoko lyendi lya nzili, nashandola vaka-kulyalesa na matumbe avo oshe.

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.