Njelemiya 18:11 - Livulu lya Shukulu Kalunga

¹¹ Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 18:11 Iomraidhean Croise

Kushangumuka 11:7

Ngecivene, tuyeni tushuluke asi, tukatanganese muyati wavo ngeci omo vendeka kesi valizive.”

1 Vimyene 22:23

Ngecivene, Mikaya wamulekele ngwendi, “Eci cikeco vene calingiwa. Shukulu Kalunga ikeye nalingisa vaka-kwimanena vove voshe kukukwisa. Oloni ikeye nazivuka ngwendi ukaliwana uli mu vukalu?”

2 Vimyene 17:13

Shukulu Kalunga watumine miluwa vendi na vaka-kwimanena kunangula Isalele na Yunda ngwendi, “Sezeni vingila vyeni vyavivi, ononokeni vizilika vyange vije vili mu Mashiko aje njanene kuli vakukulwila veni aje njaanene kuli yeni ali vangamba vange vaka-kwimanena.”

2 Vimyene 22:13

“Yeni mukanjihwileko kuli Shukulu Kalunga na vanu voshe va mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

2 Vimyene 5:5

Co mwene wendekele ngwendi, “Ya utwale mukanda kuli ikeye.” Ngecivene, Namane wakatukile, wambatele mavundungulu 30,000 a siliva, na mavundungulu 6,000 a ngolinde, na vyakuzala likumi vyavivwa manene.

Isaya 5:5

“Eci cikeco cinjikalinga ku citungu cange ca mikolovozi ya vushuka vwa vinyu. Njikatundisa cipatanga cakwo, co njikasiwula civumbe cije canyungako, ngeci tusitu vakalye vushuka nakuvulyatangela.

Isaya 57:1

Vaka-vushunga valinakuvakokangeya nakuvatsiya, oloni naumo wai ombako mbunge. Vuvi vulinakuvapekumwina kulyala.

Njelemiya 11:11

Ngecivene, ololo, yange Kalunga, njivaleka ngwange njikanena tuyando ali vakevo tuje kuvakasa kuputumuka. Nameme vakatambeka kuli yange, oloni kunjikavatolilila embwe.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 18:18

Co vanu vendekele ngwavo, “Tutumbeni vutumbe ali Njelemiya! Simbu yoshe tuli na vaka-kukombelela vaje vakatulongesa, na vaka-mana vaje vakatunangula, na vaka-kwimanena vaje vakambulula majwi a Njambi. Tumukutiiyeni vin̄anda vyakumulwisa, co tulikeleni kutolilila ku vije vyendeka.”

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 19:3

Ya ukendeka ngwove Shukulu Kalunga nendeka ngwendi, ‘Tolilileni yeni vimyene va mu Yunda, na vanu va mu Yelusalema, tolilileni vinjendeka yange Kalunga Muka-nzili yoshe, Njambi ya Isalele. Njikanena tuyando twakama mu mutambela ou ngeci vanu voshe vakatuziva vakalikasamena.

Njelemiya 25:2

Co njendekele kuli vanu voshe va mu Yunda na mu Yelusalema ngwange,

Njelemiya 25:5

Vamilekele ngeci mutunde ku vingila vyeni vyavivi na ku vilinga vyavivi na ku vyuma vyavivi vije vimulinakulinga, ngeci mwase kukala mu lifuti lije Shukulu Kalunga waanene kuli yeni na kuli vakukulwila veni ngeci lipwe vufuko vweni ku myaka yoshe.

Njelemiya 26:13

Munapande kutenguluka kutunda ku vingila vyeni vyavivi, na ku vyuma vimulinakulinga, co munapande kwononoka Shukulu Kalunga Njambi yeni. Nga mulingamo, co akatengulula viyongola vyendi vyakuminyongesa vije vyendekele ngwendi akavinena ali yeni.

Njelemiya 26:3

Amo vanu vakatolilila nakwecela vingila vyavo vyavivi. Nga valingamo, asinoni njikatengulula viyongola vyange vyakunyongesa vinjinayongola ali vakevo omwo a vilinga vyoshe vya vuvi vwavo.”

Njelemiya 3:1

Shukulu Kalunga alinakwendeka ngwendi, “Nga munalume akondola munakazi wendi, co uje munakazi ashomboka kweka, munalume wendi kasa kumwilwisa lalo kuli ikeye. Eci cikajwalesa lifuti lyoshe. Oloni Isalele unakala na mapangala vavangi manene, co ololo ushaka kwiluka lalo kuli yange!

Njelemiya 3:22

Ilukeni, yeni voshe munatundu kuli Shukulu Kalunga, co ikeye akamikangwisa nakumipwisa vanu vaka-kulongwa. Mulinakwendeka ngweni, “Eyo, twiluka kuli Shukulu Kalunga, omwo wapwa Njambi yetu.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 36:3

Amo omo vanu va mu Yunda vakaziva vije vyoshe vyavikalu vije vinjayongwele kunena ali vakevo, amo vakatenguluka kutunda ku vingila vyavo vyavivi. Asinoni njikavasambesa ku kupenga-penga kwavo na ku vivi vyavo.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 4:23

Njakengele asi, co apwile angoco-ngoco. Njakengele mwilu, co kumwakele ceke.

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 7:3

Valeke ngwove Shukulu Kalunga Muka-nzili yoshe, Njambi ya Isalele nendeka ngwendi, ‘Tengulukeni ku vingila vyeni na vilinga vyeni, co njikamitavesa kukala mu mwela uno.’

Ezekiyele 13:22

“A makuli eni, mulinakutanganesa vanu vavavwa, vaje kunjashakele ngeci vavulumuke. Mulinakuvindika vaka-vuvi kwecela vuvi vwavo ngeci vayoye.

Ezekiyele 18:23

Shukulu Kalunga wa Akamwa ya Vyoshe ehula ngwendi, kuma uyongola ngwove njijolela akumona muka-vuvi atsa ndi? Embwe, njikashaka njimumone ngeci natenguluka nakuyoya.

Yona 3:8

Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi.

Mika 2:3

Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

Zakaliya 1:3

oloni njendeka kuli yeni ngwange, ‘Ilukeni kuli yange, co nange lalo njikeluka kuli yeni.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Yakomba 4:13

Co ololo tolilileni kuli yange, yeni mulinakwendeka ngweni, “Lelo nameme imene tukaya ku nganda yacingandi, kuje tukakala mwaka woshe wa mutunu nakunganyala nakuwanako vimbongo vyavingi.”

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!