Njelemiya 17:8 - Livulu lya Shukulu Kalunga

⁸ Munu wa cifwa eci nafu ngwe muti ulinakukula ku ngenge ya kana ka ndonga, co mizi yawo ishalavela ku mema. Kuwesi kuziva ntwima a simbu ya nyangao omwo maputa awo apwa akutonola nakuzivuluka simbu yoshe, kuwesi kujujwama a simbu ya lilanga ukemi vushuka simbu yoshe.

Njelemiya 17:8 Iomraidhean Croise

Yombi 29:19

Njapwile ngwe mizi ya muti yakukala mu mema simbu yoshe, muti uje minango yawo ikajulu na lime.

Yombi 8:16

“Vaka-vuvi vakapishuka mitwe ngwe vimbuto vya mu litanya, ngwe vimbuto vije vyashandokela mu lihya mwoshe.

Myaso 1:3

Munu wa cifwa eci napu ngwe muti wakukuna ku vana va vindonga vya mema, muti uje wima vushuka vwawo a simbu yawo, na maputa awo lalo kuwesi kujujwama. Munu wa cifwa eci avezika mu vyoshe vyakalingi.

Visimo 11:28

Vaje vakulaela a vufuko vwavo, vakatotomoka ngwe maputa a nyangao, oloni vaka-vushunga vakakola mbe, ngwe maputa a ndombo.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 61:3

nakwana kuli vaje valinakulila mu Siyone kuvwaelela nakujolela. Mwaso wakushangazala ukakalako kwinga mu mwaso wa vusiwa. Vakafwa ngwe miti ije yanakunu vavenya Shukulu Kalunga. Voshe vakalinga vya vushunga, co vakashangazala Njambi a vije vyanalingi.

Njelemiya 39:18

Njikakunyunga mwamuvwa, co naumo wai akakutsiya. Ukayoya, omwo unaka cinyangavili cove muli yange. Yange Kalunga, njinendekamo.”

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Ezekiyele 47:12

Ku ngenge na ngenge ya ndonga, ku mutambela na mutambela wa ndonga kukamena miti ya miyati-yati ije ikaima vushuka. Maputa ayo kuwakajujwama, co lalo kuyikalikele kwima vushuka. Ikaima vushuka vwavuha a ngonde na ngonde, omwo ilinakutambula mema ku ndonga ije itunda ku Njuvo ya Shukulu Kalunga. Miti yakwo ikaima vushuka vuje vukapwa vyakulya, co maputa ayo vakawapangesa mukukangwisa vanu.”