Njelemiya 17:3 - Livulu lya Shukulu Kalunga

³ na a minkinda mushandangala yangoco. Vitozi veni vakambata vivala vyeni na vufuko vweni omwo a vuvi vweni vwoshe vuje munalingi mu lifuti lyeni mwoshe.

Njelemiya 17:3 Iomraidhean Croise

2 Vimyene 24:13

co wambatele vufuko vwoshe vwakele mu Njuvo ya Shukulu Kalunga na mu lipela, wavutwalele ku Mbambilone ngwe muje mwendekele Shukulu Kalunga, Nevukaneza watsiile vivala vyoshe vya ngolinde vije vyapangele Mwene Solomoni ngeci vavipangese mu Njuvo ya Shukulu Kalunga.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 15:13

Shukulu Kalunga wendekele kuli yange ngwendi, “Njikatuma vitozi mukwambata vivala na vufuko vwa vanu vange, mukuvanyanyamesa a vuvi vuje vuvanalingi mu lifuti mwoshe.

Njelemiya 20:5

Njikecela vitozi vavo vakapukule vufuko vwoshe vwa mu nganda eyi, nakwambata vufuko vwamwo na vivala, na vitulikilo vya vimyene va mu Yunda, co vakatwala vyuma vyoshe ku Mbambilone.

Njelemiya 21:13

Yove Yelusalema watumbama a litanda lya akamwa ya cimbongo, ngwe limanya lyalilaja lya mu cana. Oloni yange njikakulwisa. Ulinakwendeka ngwove naumo wai asa kukulwisa nambe kutuva cimpaka cove.

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Ezekiyele 16:39

Njikakukundika mu mavoko avo, co vakasiwula mitambela kuje walingilile vupangala nakulemeselako tumponya. Vakambata vuzalo vwove na sungu yove, co vakakuseza mushelengwa.

Ezekiyele 23:46

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikanena munga ya vanu vavavi mu kuvahisa nakuvevila.

Ezekiyele 6:3

Leka minkinda ya Isalele ngeci izive lijwi lya Shukulu Kalunga, izive vije yange Kalunga wa Akamwa ya Vyoshe njendeka ku minkinda, na ku malundu, na ku mingulunga, na ku vimbongo ngwange, ‘Njikatuma mukwale mukunyongesa mitambela kuje kuvakalemesa vanu tumponya.

VaLevi 26:30

Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Zefaniya 1:13

Vufuko vwavo vakavupukula, co vinjuvo vyavo vakavinyongesa. Vakatunga vinjuvo, oloni kuvakakalamo nambe kunwa vinyu vya mu vitungu vya mikolovozi ya vushuka vwa vinyu vije vakatombeka.”