Njelemiya 17:22 - Livulu lya Shukulu Kalunga

²² nambe kutuula cuma cimo mu vinjuvo vyavo a Litangwa Lyakuhwima. Kuvapandele kupanga a Litangwa Lyakuhwima, vanapande kulinyunga kupwa litangwa lyakujela, ngwe munjashikile vakukulwila vavo.

Njelemiya 17:22 Iomraidhean Croise

Nehemiya 13:15

A simbu ije njamwene vanu va mu Yunda valinakukamuna vushuka a Litangwa Lyakuhwima. Veka vakele nakulongekeya vimbuto a vimulu, na vinyu, na vushuka, na mikuyu, na vyuma vikwavo nakuvitwala ku Yelusalema, co njavanangwile ngeci kesi valandese cuma cimo a Litangwa Lyakuhwima.

Kutuuka 23:12

“Pangeni matangwa atanu na limo mu simano, oloni kesi mukapange vipangi a litangwa lyamucitanu na avali, ngeci vindungo veni na vaka-kwija vaje valinakumipangela, nambe vimuna veni vakahwime.

Isaya 58:13

Shukulu Kalunga alinakwendeka ngwendi, “Nga munyunga Litangwa Lyakuhwima kupwa lyakujela, co mulikela kukava mashungu eni vavenya a litangwa lije, nga musingimika litangwa lyange lyakujela nakulyononoka nakulikela kwenda, nakupanga, nambe kwendeka mumunashakela a litangwa lije,

Njelemiya 17:24

“Leka vanu ava ngeci vanapande kwononoka mashiko ange oshe. Kuvapandele kwambata citele cimo nakuciitisila mu vikolo vya nganda a Litangwa Lyakuhwima. Vanapande kunyunga Litangwa Lyakuhwima kupwa litangwa lyakujela, co kuvapandele kupanga cipangi cimo.

Ezekiyele 20:12

Njavanene kunyunga Litangwa Lyakuhwima kupwa cimweso ca cikumiiyo akati ketu, mukuvanukisa ngeci yange njapwa Kalunga, muka-kuvajelesa.

Ezekiyele 22:8

Yeni kumwesi nakusingimika mitambela yakujela, co kumwesi nakunyunga Litangwa Lyakuhwima.

VaLevi 19:3

Munu na munu napande kusingimika vaina na ishe, co napande kunyunga Litangwa Lyakuhwima, ngwe muje njamishikile. Yange njapwa Kalunga Njambi yeni.

VaLevi 23:3

Muli na matangwa atanu na limo muje mwasa kulinga vipangi vyeni, oloni anukeni litangwa lyamucitanu na avali lyapwa Litangwa Lyakuhwima. A litangwa lije kesi mukapange vipangi, oloni mukakunguluka nakulemesa. Litangwa Lyakuhwima lyapwa lya Shukulu Kalunga, kwoshe kuje mulinakukala.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Luka 23:56

Co velukile kwimbo vavwaesele n̄undu na mazi akunika lwengo ngeci vakuvwavese muvila wendi. Co a Litangwa Lyakuhwima vahwimine, ngwe ku Lishiko.

Luka 6:5

Co Yesu wamanesele ngwendi, “Omwo Muna Munu ikeye Mwene wa Litangwa Lyakuhwima.”

Kujombolola 1:10

A litangwa lya Mwene njakele mu Munzinzime, co njazivile lijwi lyakama, lyalifwile ngwe cililimo ca lupembo, lyendekele munima yange.