Njelemiya 17:21 - Livulu lya Shukulu Kalunga

²¹ Valeke ngwove nga vazema myonyo yavo kuvapandele kwambata citele cimo a Litangwa Lyakuhwima, kuvapandele kwitisa cuma cimo mu vikolo vya Yelusalema,

Njelemiya 17:21 Iomraidhean Croise

Kutuuka 20:8

“Nyungeni Litangwa Lyakuhwima nakulijelesa.

Visimo 4:23

Nyunga viyongola vyove, omwo viyongola vyove vikevyo kavwelu-vwelu ka mwonyo.

Isaya 56:2

Njikavezikisa vaje vanyunga Litangwa Lyakuhwima simbu yoshe kujeneka kulishaula. Njikavezikisa vaje kuvesi kulinga vuvi.”

Isaya 58:13

Shukulu Kalunga alinakwendeka ngwendi, “Nga munyunga Litangwa Lyakuhwima kupwa lyakujela, co mulikela kukava mashungu eni vavenya a litangwa lije, nga musingimika litangwa lyange lyakujela nakulyononoka nakulikela kwenda, nakupanga, nambe kwendeka mumunashakela a litangwa lije,

Mako 4:24

Co lalo wendekele kuli vakevo ngwendi, “Tolilileni kuli evi mulinakuziva! Mashiko aje vene mukasompo nawo vakweni akewo lalo Njambi akamisompa nawo, oloni yeni vakamiwezelelako.

Luka 8:18

“Ngecivene, nyanyameni omo mutolilila, omwo munu uje ali na vyuma vakamuwezelelako lalo, oloni uje kesi navyo vakamunyeka nameme vyuma vyavindondo vije alinavyo.”

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Kwituluka mu Mashiko 11:16

Nyanyameni kutewa vimbunge vyeni vikongumukila kweka kutunda kuli Shukulu Kalunga mukulemesa nakupangela vinjambi veka.

Kwituluka mu Mashiko 4:15

“Anukeni simbu ije omo Shukulu Kalunga wendekele neni oku ali mukati ka tuhya ku Munkinda wa Sinai, mwazivile lijwi lyendi, oloni kumwamwene cifwa cendi embwe. Ngecivene, linyungeni.

Kwituluka mu Mashiko 4:23

Nyanyameni ngeci kesi mwivale cikumiiyo cije Shukulu Kalunga Njambi yeni walikumiiye neni. Co kesi mulishongele cifwa ca kamponya.

Kwituluka mu Mashiko 4:9

“Nyanyameni nakulinyunga! Kesi mwivale vije mwamwene na mesho eni, kutewa vitunda mu vimbunge vyeni matangwa oshe akuyoya kweni, ngeci mukavileke vana veni na vatekulwila veni.

Yoshwa 23:11

Nyanyameni ngeci muzeme Shukulu Kalunga Njambi yeni.