Njelemiya 17:18 - Livulu lya Shukulu Kalunga

¹⁸ Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 17:18 Iomraidhean Croise

Yombi 16:14

Ikeye anjivetwesa vimbandu-mbandu, co anjicuncumukila ngwe lishwalale wakuzaluka na cizindo.

Myaso 35:4

Voshe vaje vashaka kunjitsiya, vavafungulule nakuziva shwamwa! Voshe vaje vanjitumbila vutumbe vwakunjilwisa velwise munima nakuvaiya-iyisa!

Myaso 35:8

Oloni vakanyonga vwasi-vwasi, co vakatsa mu linimbwa lyavo vavenya! Vakawila mu mbulu nakunyonga!

Myaso 40:14

Shwamwa ivakole vaje vashakezeka mwonyo wange ngeci vaunyongese, ilwisa vuseta-nima nakuzivisa shwamwa, vaje vavwaelela omwo tuyando twange!

Myaso 70:2

Vazivise shwamwa nakutanganesa vaje vashaka kunjitsiya. Velwise vuseta-nima nakuvazivisa shwamwa, vaje vavwaelela omwo njili mu tuyando! Vazive shwamwa nakulikomokela.

Myaso 71:1

Shukulu Kalunga njitewela muli yove, kesi vanjizivise shwamwa ku myaka yoshe!

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 11:20

Asinoni njalombelele ngwange, “Shukulu Kalunga Muka-nzili yoshe, yove wapwa muka-kusompa wa vushunga, u muka-kwilula viyongola vya vanu na mana avo, njinakundika n̄anda yange mu mavoko ove, ngeci njinakengelela kuli yove kulinga shambandinga ali vanu ava.”

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 17:19

Shukulu Kalunga wendekele kuli yange ngwendi, “Njelemiya, ya ukambulule lijwi lyange ku cikolo ca vanu, kuje kuvakakovelela mu nganda vimyene va mu Yunda, na kuje kuvakatuukila mu nganda, asinoni ukaya ku vikolo vyoshe vikwavo vya mu Yelusalema.

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Kwituluka mu Mashiko 33:11

Yove Shukulu Kalunga, kwasa muyati wavo ukole na nzili, vwaelela nevi vivalinga. Tsena vitozi vavo voshe. Ngeci kesi vavakatukile lalo.”

Kujombolola 18:6

Muyandeseni ngwe mwamiyandesele, mwilwisileni visimbu vivali ku vije vyalingile. Shuliseni nganja yendi na vyakunwa vyakulula ngwe vije vyamivwaeselele yeni.