Njelemiya 17:16 - Livulu lya Shukulu Kalunga

¹⁶ Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 17:16 Iomraidhean Croise

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 15:15

Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 20:7

Shukulu Kalunga unanjikwisa, co nange vanjikwisile. Uli na nzili kunjituvakana yange, co unanjifungulula. Vanu voshe valinakunjishendumuna nakunjijola simbu yoshe.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Amose 5:10

Yeni vanu mwazinda munu woshe uje alwisa makuli nakwendeka vushunga mu mbanja.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

Yakomba 1:19

Anukeni eci, vasamba vange! Munu woshe napande kuzambula kuziva, oloni eshwale kukumbulula nakwishwala kuluvala.

Yakomba 3:1

Vasamba vange, kucapandele muvavangi mupwe mu valongisi. Omwo mwazivuka ngweni yetu valongisi vakatusompa manene na vukalu kutuvakana veka.