Njelemiya 17:13 - Livulu lya Shukulu Kalunga

¹³ Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 17:13 Iomraidhean Croise

Myaso 22:4

Vakukulwila vetu vakulaelele muli yove, vakukulaelele, co yove wavamenene.

Myaso 69:29

Oloni yange valinakunjiyandesa, co lalo njili mu vukalu, njamene yove Njambi, co njinyunge mwamuvwa!

Myaso 71:5

Shukulu Kalunga wa Akamwa ya Vyoshe, njaka cinyangavili cange muli yove, yange njakukulaela tunde ku simbu ya vwanike vwange.

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Visimo 14:14

Vanu vavavi, vakawana vije vinavapande, vanu vavavwa, vakatambula cikandelela a vilinga vyavo vyavivwa.

Isaya 1:28

Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 66:5

Tolilileni vije vyalinakwendeka Shukulu Kalunga, yeni vaka-kumukomoka nakumwononoka ngwendi, “Vandolome veni vamizinda nakumivyana omwo munapu vaka-kulongwa kuli yange. Vamishendumuna nakwendeka ngwavo, ‘Shukulu Kalunga amwese nzili yendi nakumyamena, ngeci tumone kujolela kweni.’ Oloni ava vendeka vyuma evi vakaziva shwamwa yakama!

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Njelemiya 17:17

Kesi unjijujwise, yove wapwa cishwamo cange a simbu ya tuyando.

Njelemiya 17:18

Vayesa vaje vanjiyandesa, oloni kesi unjizivise shwamwa, vajujwise, oloni Shukulu Kalunga, yange kesi unjijujwise. Nena tuyando ali vakevo nakuvanyongesa.

Njelemiya 17:5

Shukulu Kalunga alinakwendeka ngwendi, “Njikasinga munu uje atunda kuli yange nakukulaela kuli munu wangoco, nakutundisa mbunge yendi kuli Shukulu Kalunga.

Njelemiya 19:4

Njikalinga eci omo vanu vananjiseza, vanajwalesa mutambela ou akukombelelamo vin̄ombelo ku vinjambi veka, vinjambi vaje nambe vakevo, nambe vakukulwila vavo, nambe vimyene va mu Yunda kuvavazivukile. Vanashulisa mutambela ou na maninga a vanu vakujeneka mulonga,

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 50:7

Valinakuvalwisa kuli voshe vaje vavawana. Co vitozi vavo vendeka ngwavo, ‘Vanavulumuna ku mesho a Shukulu Kalunga, ngecivene, evi vitunalingi kesi vyavivi embwe. Vakukulwila vavo vakulaelele kuli Shukulu Kalunga, co na vakevo lalo vapandele kukala muli ikeye.’

Ezekiyele 13:9

Ololo njiminyanyamesa yeni vaka-kwimanena va vimona vya makuli, nakwambulula vuka-kwimanena vwakutanganesa. Kumukakalako, omo vanu vange vakalikungulula nakutumba matumbe, co mazina eni kuvakaakako ku mukana wa mazina a vandambo va Isalele, kumukeluka ku lifuti lyeni. Asinoni mukazivuka ngeci yange Kalunga wa Akamwa ya Vyoshe.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Ezekiyele 36:32

Isalele, njishaka muzivuke ngeci kunjesi nakulinga vyuma vyoshe evi omwo yeni embwe. Njishaka muzive shwamwa nakushauka a vije mwalingile. Munjinendeka yange Kalunga wa Akamwa ya Vyoshe.”

Ndanyele 12:2

Co vungi vwa vaje vatsile laja vakakala lalo na mwonyo. Vamo akati kavo vakakala na mwonyo ku myaka yoshe, co vakwavo vakakala na shwamwa yakama ku myaka yoshe.

Njwele 3:16

Shukulu Kalunga alinakwaana ngwe ndumba ku Munkinda wa Siyone, lijwi lyendi lilinakuluma ku Yelusalema, asi na lilu vilinakujaja. Oloni akaamena vanu vendi.

Zakaliya 13:1

Shukulu Kalunga Muka-nzili yoshe alinakwendeka ngwendi, “A litangwa lije, lisima lya kavwelu-vwelu likashokoloka mukujelesa vatekulwila va Ndaviti na vanu va mu Yelusalema ku vuvi vwavo na ku tumponya.

Zakaliya 9:12

Ilukeni, yeni vinzinda ololo muli na cinyangavili, ilukeni ku mwela weni wauvwa. Ololo njimileka ngwange njikamivezikisa luvali ku tuyando tweni twoshe tuje mwayandele.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Vilinga vya Miluwa 28:20

Omwo a cuma eci cikeco njamisanena ngeci njimimone nakwendeka neni. Yange njili mu malyenge awa omwo lizina lyou muje muvanaaka cinyangavili vanu va Isalele.”

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

Kujombolola 20:15

Co woshe uje kuvasonekele lizina lyendi mu livulu lya mwonyo vamumbilile mu lishali lya tuhya.

Kujombolola 21:6

Co wendekele ngwendi, “Vyalingiwa laja! Yange wakulivanga na muka-kukotekela, vushangumukilo na mamaneselelo. Njikana mema a vwana mu lisima lya kavwelu-vwelu lya mwonyo kuli woshe uje ali na lihwila.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,

Kujombolola 22:17

Munzinzime na Shombolwa vendeka ngwavo, “Ija!” Woshe uje aziva evi napande lalo kwendeka ngwendi, “Ija!” Woshe uje ali na lihwila aije, woshe uje ashaka, atambule mema a mwonyo a vwana.

Kujombolola 7:17

omwo Muna Manga, uje ali mukati ka litanda, akapwa kanyungi kavo, co akavatwamenena ku tuvwelu-vwelu twa mema a mwonyo. Co Njambi akasikumuna misozi yoshe ku mesho avo.”