Njelemiya 17:11 - Livulu lya Shukulu Kalunga

¹¹ Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Njelemiya 17:11 Iomraidhean Croise

Yombi 20:21

Nacimo cai casaleleo cajenekele kulya, ngecivene, kufuka kwendi kukukeshwala.

Myaso 49:13

Kengeni vije vikalingiwa kuli vaje valikulaela vakevo vavenya, luvinda lwa vaje vakulaela vufuko vwavo,

Myaso 55:23

Oloni yove Njambi, ukombila kuti mapwepwe na vaka-makuli mu mbulu yakulova manene, kuvakayoyo kweta akati ka matangwa avo akuyoya embwe. Oloni yange njikakulaela kuli yove.

Visimo 13:11

Vufuko vwakuwana mu ngila yaivi vukahu vwasi-vwasi, oloni uje avuwana nakuundangana kwendi vavenya akakala navwo vwavungi.

Visimo 15:27

Muka-cipululu akanene vukalu ku naanga yendi, oloni uje azinda lizika-kanwa, akayoya.

Visimo 21:6

Vufuko vwakuwana mu ngila ya makuli vunapu ngwe mbundu ije ikakumukila noku-noku, vunapu mweto wauvi.

Visimo 23:5

Vimbongo vyove vyasa kuhwa vwasi-vwasi, vyasa kupulula ngwe mwakapulula ngonga.

Visimo 28:16

Muka-kushwana wakujeneka mana akayandesa vanu manene, oloni uje kesi na muuka akayoya simbu yakama.

Visimo 28:20

Njambi avezikisa vaka-kulongwa, oloni anyanyamesa voshe vaje vashaka kufuka vwasi.

Visimo 28:22

Vaka-muuka vashaka vwasi kufuka, kuvazivuka vuutu muvukavezila.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Njelemiya 22:13

Luvinda ku munu uje a tunga njuvo yendi na vutumbe vwa vwizi, nakwamesa milili yayo ya akamwa na vutumbe vwa linyanyamena, uje apangesa vanu ngoco kujeneka kuvana fweto yavo.

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Mika 2:9

Musheka vanakazi va vanu vange a membo avazema, co munevi vana vavo vavivezikiso vyange ku myaka yoshe.

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Zefaniya 1:9

Njikanyanyamesa lalo voshe vaje valinakukavangeya futisi ya vaje vaka-kujeneka kunjilemesa yange Kalunga, vaje valinakwiva nakutsiya ngeci vashulise vinjuvo vyakulemesela vinjambi vavo na vyuma vyakupukula.

Zakaliya 5:4

Shukulu Kalunga Muka-nzili yoshe alinakwendeka ngwendi akasholola cisingo eci, co cikakovela mu njuvo ya mwizi woshe na mu njuvo ya munu woshe uje endeka makuli nakulisinga. Cisingo eci cikakala mu vinjuvo vyavo nakuvinyongesa vyoshe njwa.”

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Mateo 23:13

“Tuyando tweni, valongisi va majwi a Lishiko na vaFaliseo! Eni vaka-civembulu! Omwo mukashoko mapito a Vumwene vwa mwilu ngeci vanu kesi vakovelemo, oloni yeni vavenya kumwesi kukovelamo, nambe vaje veseka kukovelamo kumwesi kuvatavesa.

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

1 Timateo 6:9

Oloni vaje vashaka kufuka vawila mu ceseko, co vanakwatiwa mu mweto wa mashungu amangi a vulema akuvulumuna, aje alinakuvakokela kukunyonga nakukuziluka.

Tito 1:11

Cinapande vene kuvindika vyendeka vyavo, omwo vakevo valinakutanganesa naanga yoshe yamutunu nakulongesa vije kuvyavapandele, nevi vivalinakulinga a vutumbe vwavo vwa shwamwa vwakunganyala vimbongo.

2 Petulu 2:14

Vakevo kuvashaka kukenga a cuma ceka kuvanga akulinga vupangala, lilaku-laku lyavo lya vuvi kulyesi kujauka. Vakatwamenena vanu vakakuzeya ngeci vatse mu mweto. Vimbunge vyavo vyalilongesa kukala na cipululu. Vakevo vali mwisi ya cisingo ca Njambi!

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!