Njelemiya 17:1 - Livulu lya Shukulu Kalunga

¹ Shukulu Kalunga alinakwendeka ngwendi, “Vanu va mu Yunda vuvi vweni vanavusoneka na mufwitilo wa cikuvo, vanavusoneka mu vimbunge vyeni na shongo ya ndaimani, co vavucakeya a vimbango vya mitula yeni.

Njelemiya 17:1 Iomraidhean Croise

Visimo 3:3

Kesi wivale cizemo na kulongwa. Vikutiiye mu mukoshi wove, visoneke mu mbunge yove.

Visimo 7:3

Nyunga vilongesa vyange simbu yoshe, co visoneke mu mbunge yove.

Isaya 49:16

Yelusalema, kunjasa kukwivala embwe! Njinasoneka lizina lyove mu mbanda ya livoko lyange.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 2:22

Nameme wajwelesele njapau ya nzili manene, oloni anga njicimona mapwata-mapwata a milonga yove.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 7:2

Oloni kuvayongola ngeci njikanuka evi vipangi vyavo vyavivi, ololo vivi vyavo vinavazengeleka, kuvyasa kuvanda ku mesho ange.”

Hoziya 8:11

“Vanu va mu Isalele vanawezelela mitula mukutundisa vuvi, oloni valinakutumisa lika mitambela yakulingila vuvi!

VaLevi 4:25

Co muka-kukombelela akambate maninga amo a mulambu wa a vuvi akambwitike mulavo wendi mu maninga a cimuna, akawakwite ku vyakushongomoka vije vili mu vimbango vya mutula, aje anasalao akawetile kwisi ya mutula.

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

2 Kolinte 3:3

Cinasholoka mwamuvwa ngeci Kilistu ikeye vavenya wasonekele uje mukanda nakuutuma amo netu. Uje kuvasonekele na musumbele, oloni na Munzinzime wa Njambi wakuyoya, kesi a vitale vya mamanya oloni mu vimbunge vya vanu.