Njelemiya 16:20 - Livulu lya Shukulu Kalunga

²⁰ Kuma munu asa kulishongela vinjambi vendi ndi? Embwe, nga alingamo, co mwa vushunga kuvapu vinjambi vavavwa embwe.”

Njelemiya 16:20 Iomraidhean Croise

2 Vimyene 19:18

vanenyeka vinjambi vavo, vaje kuvapwile vinjambi va vushunga, oloni vifwa lika vya viti na mamanya vije valingile na mavoko a vanu.

Isaya 36:19

Vali kulijo ololo vinjambi va ku Hamate, na ku Alepande? Vali kulijo vinjambi va vaSefalevaime? Kuma kuli umo wavo waamenene Samaliya ndi?

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Njelemiya 2:11

Kukwesi muyati watengulukilile vinjambi vavo nameme vapwile vinjambi va makuli. Oloni yeni munakengesa nima yange Njambi yeni uje naminenela kasingimiko, co munakava vinjambi vaje kuvasa kumilingila cuma cimo.

Njelemiya 5:7

Co Shukulu Kalunga wehwile ngwendi, “Omwo vikajo njisambesa vuvi vwa vanu vange? Vananjiseze nakulemesa vinjambi vangoco. Njalisile vanu vange noo vakutile, oloni valingile vupangala mu vinjuvo vya vikwizi.

Ndanyele 3:1

Mwene Nevukaneza wapangele kamponya ka ngolinde, mu vulaja kapwile mamita makumi avali na atanu na avali, mu vwihi kapwile mamita atanu, co wakaakele mu cana ca Ndula, mu lifuti lya Mbambilone.

Vilinga vya Miluwa 19:26

Co ololo munamono nakulizivila yeni vavenya evi vyalinakulinga ou mukwetu Paulu. Alinakwendeka ngwendi vinjambi vakupanga ku vanu kesi vinjambi embwe, co nahyana mukukokweya vanu vavangi, kesi munolika mu Efeso embwe oloni na mu lifuti lyoshe lya Asiya.

Ngalatiya 1:8

Oloni nameme yetu nambe kangelo wakutunda mwilu nga ambulula kuli yeni muzimbu weka kesi uje utwamyambulwilile, co ikeye apwe wakusingiwa!

Ngalatiya 4:8

Mu myaka ya kunima kumwazivukile Njambi, ngecivene, mwapwile mu vindungo nakukundama kuli minzinzime ije kuyapwile vinjambi.