Njelemiya 16:13 - Livulu lya Shukulu Kalunga

¹³ Ngecivene, njikamyumbila anja ya lifuti eli, njikamitwala mu lifuti lije yeni nambe vakukulwila veni kumwalizivukile. Kuje mukapangela vinjambi veka mutanya na vutsiki, co kunjikamizivila mema ku mbunge!’ ”

Njelemiya 16:13 Iomraidhean Croise

2 Vimyene 25:21

mu lifuti lya Hamate. Co mwene wa Mbambilone wavapupile nakuvatsiya. Ngecivene, vanu va mu Yunda vavatundisile mu lifuti lyavo nakuvatwala mu vunzinda.

2 Mizimbu 7:20

co njikamitundisa mu lifuti lyange lije linjamyanene, co lalo njikavyana Njuvo eyi injinajelesa kupwa mwela wakunjilemesela. Co vanu voshe vakaisimutwiya nakushendumuna Isalele.”

Myaso 81:12

Ngecivene, njavatavele kulinga vizango vyavo.

Njelemiya 10:18

Shukulu Kalunga nendeka ngwendi, “Njikasheka voshe vaje vakala muno mu lifuti, co njikavanenela n̄avava, ngeci vazive muyafwa.”

Njelemiya 14:8

Yove cinyangavili ca Isalele, yove muyoyesi wa Isalele a simbu ya tuyando. Omwo vikajo upwa ngwe mungenzi mu lifuti lyetu, nambe ngwe muka-kwendangana uje alala vutsiki vumolika?

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 15:14

Njikavapwisa vaka-kupangela vitozi vavo, mu lifuti lije kuvazivuka, omwo vukalu vwange vunapu ngwe tuhya, co vukashukuma ku myaka yoshe.”

Njelemiya 15:4

Mukapwa vunyengwe ku vanu voshe va a kaye, omwo a vyuma vyavivi manene vije vyalingile Manase muna Hezekiya mu Yelusalema, omwo wapwile mwene wa mu Yunda.

Njelemiya 16:5

“Kuwapandele kukovela mu njuvo muje valinakulila. Kesi ukazivile vusiwa a munu umo. Omwo njinatundisa kwoloka kuli vanu ava, na cizemo, na mema ku mbunge.

Njelemiya 17:4

Mukaseza lifuti eli linjamyanene, co njikamyecelela ngeci mukapangele vitozi veni mu lifuti lije kumuzivuka, omwo vukalu vwange vwapwa ngwe tuhya, co vukashwama ku myaka yoshe.”

Njelemiya 22:26

Yove na vanyoko njikamitwala ku lifuti lya vunzinda. Mukaya ku lifuti lije kumwasemukilile, co muvuvali vweni, mukatsila kuje vene.

Njelemiya 22:28

Njendekele ngwange, “Kuma Mwene Yehoyakine napu ngwe njava ya kutsa ije ivanombila kuti, ije naumo wai aishaka ndi? Kuma mukemwo vana vendi vanavatwala ku vunzinda ku lifuti lije kuvazivukile mulyafwa?”

Njelemiya 5:19

Omo vakehula ngwavo omwo vikajo njinalingila vyuma vyoshe evi, Njelemiya, valeke ngwove, omwo vananjikengesa nima nakupangela vinjambi veka vaje vali mu lifuti lyavo, ngecivene, vakapangela vanu veka mu lifuti lije kesi lyavo.”

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.

Kwituluka mu Mashiko 29:28

co Shukulu Kalunga waluvalele manene, co wavatundisile mu lifuti lyavo, wavombilile mu lifuti lyeka, mukemwo muvacili nakweta ku litangwa lya lelo.’