Njelemiya 16:12 - Livulu lya Shukulu Kalunga

¹² Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 16:12 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Muka-kwambulula 8:12

Muka-vuvi nasa kulinga milonga 100 oloni anga aciyoya. Eyo, njizivuka vivalinakwendeka ngwavo, “Nga ukomoka Njambi, co vyuma vyoshe vikapwa vyavivwa kuli yove,

Muka-kwambulula 9:3

Ovu vunapu vuvi mu vyuma vyoshe vije vilinakulingiwa ano asi. Kuvindama kumolika kwija ku voshe, co lalo vimbunge vya vanu vinashulu na vuvi, vuzaluke vuli mu vimbunge, co vwasi-vwasi vatsa.

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 18:12

Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 22:28

Njendekele ngwange, “Kuma Mwene Yehoyakine napu ngwe njava ya kutsa ije ivanombila kuti, ije naumo wai aishaka ndi? Kuma mukemwo vana vendi vanavatwala ku vunzinda ku lifuti lije kuvazivukile mulyafwa?”

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Mbimbi 5:7

Vakukulwila vetu valingile vuvi, oloni ololo voshe vanatsi, co ololo tulinakuyanda omwo vuvi vwavo.

Ezekiyele 20:30

Ololo leka vaIsalele vije njilinakwendeka yange Kalunga wa Akamwa ya Vyoshe ngwove, ‘Omo vikajo mulinakulinga vuvi vwa muyati umo ngwe vuje vuvalingile vakukulwila veni, akulemesa tumponya twavo?’

Amose 2:4

Shukulu Kalunga alinakwendeka ngwendi, “Vanu va ku Yunda vanalingi vuvi kushwakumo, omwo cuma eci mwa vushunga njikavanyanyamesa. Vanayeluwisa vilongesa vyange, co kuvanyungile mashiko ange. Vanongumuka na vinjambi va makuli vaje vavalemesele vakukulwila vavo.

Malakiya 3:7

Kutunda ku simbu ya vakukulwila veni nakweta ku lelo lino munalimbulula mashiko ange, co kumwavilingile. Ilukeni kuli yange, co yange njikamitambula, co mwihula ngweni, ‘Vatijo twasa kwiluka kuli yove?’

Mako 7:21

Omwo mukati, mu mbunge ya munu, mukemwo mukatundu viyongola vyavivi vije vimutwamenena ku vyuma vya vuvi, kwiva, kutsiya,

Kwituluka mu Mashiko 29:19

Ngecivene, kesi kukakale munu umo uje nemana kuno ku litangwa lya lelo uje alinakuziva cikumiiyo eci cakusatesa na cisingo, uje ayongola ngwendi vyoshe vikenda mwamuvwa kuli ikeye, nameme akakateya nakukaluwisa mbunge yendi nakuya mu ngila yendi vavenya. Eci cikaminyongesa yeni voshe, vavavwa na vavavi amolika.

Kwituluka mu Mashiko 9:27

Anuka vangamba vove, va Avilahama, na Isake, na Yakomba, kesi ukenge kukukaluwa kwa vimbunge vya vanu ava, nambe ku kupenga-penga kwavo, nambe ku vuvi vwavo embwe.

2 Timateo 3:13

co vanu vaka-vuvi na vaka-manseno vakatwalelelao kulinga vuvi manene, nakukwisa vakwavo nakulikwisa vakevo vavenya.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.

Maako 2:19

Oloni capwile ngeci omo uje lyaako natsi, co vanu va Isalele veluka lalo mu vingila vyavo vyavivi kutuvakana vije vya vakukulwila vavo. Vakavele vinjambi veka nakuvapangela, nakuvalemesa, vavyanene kuseza vilinga vyavo vya kupenga-penga.

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”