Njelemiya 15:6 - Livulu lya Shukulu Kalunga

⁶ Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 15:6 Iomraidhean Croise

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 28:13

Ngecivene, ololo Shukulu Kalunga akamilongesa lilaka na lilaka, mukana na mukana, cilongesa na cilongesa. Co mukatanozoka nakuwila kunima. Mukavulumuka na kutsa mu mweto, co vakamipwisa mu vinzinda.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 13:14

Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 2:13

omwo vanu vange vanalingi vuvi vuvali, vanatundu kuli yange, lisima lya kavwelu-vwelu lya mema akutonola, vanalicokwela masima a myanzi muje kumwasa kukendama mema.

Njelemiya 2:17

Isalele, yove vavenya walikokela vuvi! Wasezele yange Kalunga Njambi yove, omo njakutwamenenene mu ngila.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 6:11

Shukulu Kalunga vukalu vwove ali vakevo nange lalo vulinakunjenyeka mu mbunge kunjasa kututumana.” Asinoni Shukulu Kalunga wendekele kuli yange ngwendi, “Itila vukalu vwange ali vanike vali mu vitapalo na ali vakwenje vaje vanalikungulula, na ali vanalume vakwambata, na ali vanakazi vakushomboka, naa tukulukazi voshe.

Njelemiya 6:12

Vinjuvo vyavo vakavyana kuli veka, amo na mahya avo na vanakazi vavo. Njikanyanyamesa vanu va mu lifuti eli.

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Njelemiya 8:5

Omwo vikajo vanu vange mulinakutunda kuli yange kujeneka kwiluka? Mukakateya ku tumponya tweni, co munavyana kwiluka kuli yange.

Njelemiya 8:9

Vanu veni vaka-mana vali mu citanga, co vakavakwata nakuvazivisa shwamwa. Vanavyana majwi ange, mana akajo valinawo?

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Ezekiyele 25:7

Omwo walingile vyuma evi, co njikakwana ku mavoko a miyati yeka ngeci vakakwivile vyove. Co mwa vushunga vene njikakunyongesa, co kuukapu lalo muyati nalumo lwai nambe kukala na lifuti lyove embwe. Asinoni ukazivuka ngeci kuma yange njapwa Kalunga.’ ”

Ezekiyele 35:3

Leka vanu vije vinjendeka yange Kalunga wa Akamwa ya Vyoshe ngwove, ‘Yange njinapu nji citozi ceni, yeni minkinda ya Endome! Njikamipwisa vingundu vyangoco.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Zefaniya 1:4

“Njikanyanyamesa vanu voshe va mu Yelusalema na mu Yunda. Njikanyongesa munu woshe muka-kulemesa Mbale, co naumo wai lalo akanuka vaka-kukombelela va vaka-kujeneka kukulaela vaje vamupangelele.

Zakaliya 7:11

“Oloni vanu vange vakaluwisile vimbunge vyavo manene, co vavyanene kunjitolilila. Vashokele mana avo,