Njelemiya 15:3 - Livulu lya Shukulu Kalunga

³ Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 15:3 Iomraidhean Croise

Myaso 68:23

ngeci mukenda mu maninga avo, co tutali tweni vakakacula maninga avo.”

Isaya 18:6

Mivila ya mashwalale vaSundane vakaisezela tuzila na vikashama. Tuzila vakalya mivila yavo a ndombo, co tusitu vakalya mivila yavo a cisika.”

Njelemiya 12:9

Vanu vange vakwangula vanafu ngwe kazila, uje valinakulwisa ku tumbembe ku mitambela yoshe noku-noku. Saneni tusitu vaije ku ciwano!

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 14:16

Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 7:33

Co tuzila na tusitu vakalya mivila yavo, co naumo wai akavashekao.

Mbimbi 3:11

Wanjishekele kunjitundisa mu tapalo, nakunjisanyozola vipuka-vipuka, co wanjisezele mbwa.

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 33:27

“Valeke ngwove yange Kalunga wa Akamwa ya Vyoshe, njivanangula ngwange akupwa nji Njambi wakuyoya, vanu vaje valinakuyoya mu vinganda vije vinasiwuka vakavatsiya. Vaje valinakuyoya mu lifuti vakaliwa ku vikashama. Co vaje valinakuvanda ku minkinda na mu manzenzengoma vakatsa ku mushongo.

VaLevi 26:16

co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Amose 5:19

Likapwa ngwe munu atewa ndumba, co aliwana lalo na mbeya! Nambe ngwe munu aija ku njuvo yendi, co aaka livoko lyendi a civumbe, co aje vene ashumiwa ku linyoka!

Kwituluka mu Mashiko 28:26

Mitunu yeni ikapwa vyakulya vya tuzila na tusitu, co kukwesi umo akavasheka wai.

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

Kujombolola 6:8

Njakengele, co kwasholokele kavalu wakutokoloka. Uje walondeleo vamulukile lizina ngwavo Kutsa, co Vukalo vwa Vatsi vwamukavele kuyehi munima. Vavaanene nzili akamwa ya mutambela umo wa mitambela iwana ya ano asi, ngeci vatsiye na moko ya mukwale na njala ya lyangengela na mishongo na vikashama.