Njelemiya 15:19 - Livulu lya Shukulu Kalunga

¹⁹ Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Njelemiya 15:19 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

Kutuuka 4:12

Ngecivene, ololo, ya! Njikakukwasa akwendeka, co njikakuleka vije viwukendeka.”

Visimo 22:29

Nga upanga vipangi vyove mwamuvwa, co ukapangela vimyene, kuukapangela vanu vangoco embwe.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 20:9

Oloni nga njendeka ngwange, “Kunjikatumbula Shukulu Kalunga nambe kwendeka mu lizina lyendi.” Co mu mbunge mulinga ngwe munashwama tuhya tuje tuli mu vitsiya vyange, co njeseka kulikela, njikeseka kusimpa manene mu mbunge oloni kunjasa.

Njelemiya 35:19

Ngecivene, yange Kalunga, Muka-nzili yoshe, Njambi ya Isalele, njikulaesa ngwange ku naanga ya Yonandave muna Lekave simbu yoshe kukakala munalume uje akanjipangela.”

Njelemiya 4:1

Shukulu Kalunga alinakwendeka ngwendi, “Vanu va Isalele, nga mushaka kutenguluka, tengulukileni kuli yange. Nga munjikulaela nakutundisa tumponya tuje tunjazinda,

Njelemiya 6:29

Lutengo lulinakwenyoka manene, oloni vinyanga vya vutale kuvyesi nakunyongolokota. Cinapu cangoco kujelesa vanu vange, omwo vanu vaje vaka-vuvi kuvavatundisilemo.

Mbimbi 1:11

Vanu vendi valinakukemanga oku vashakezeka vyakulya, valinakulandakana vufuko vwavo na vyakulya ngeci vivayoyese. Nganda ilinakutambeka ngwayo, “Shukulu Kalunga, kenga kuli yange, kenga omo njili mu tuyando twakama.”

Ezekiyele 2:7

Ukavaleka vyoshe vinjikuleka ngeci ukavyendeke, nambe vakakutolilila nambe kuvakakutolilila. Anuka ngeci vakevo vapwa vaka-kutengulukila.

Ezekiyele 22:26

Vaka-kukombelela valinakupokola mashiko ange, kujeneka kusingimika vije vyakujela. Kuvasa kwangununa vije vyakujela na vije vyakujeneka kujela. Kuvasa kutepesa akati ka vije vyakujela na vije vyakujeneka kujela, co lalo kuvesi kusingimika Litangwa Lyakuhwima, mukemwo vanu va Isalele kuvesi kunjisingimika.

Ezekiyele 44:23

“Vaka-kukombelela valongese vanu vange kwangula akati ka vije vyakujela na vije vyakujeneka kujela, na futisi ya vyakujela nevi vyakujeneka kujela.

VaLevi 10:10

Co munapande kwangununa akati kevi vyakundama kuli Njambi nevi vyakupangesa ngoco, akati kevi vyakujela nevi vyakujeneka kujela.

VaLevi 14:57

Lishiko eli lisholola cuma cimo omo cinajeneka kujela nomwo cinajele.”

Yona 3:2

“Ya ku Nenevayi, nganda ije yakama, ukambulule kuli vanu lijwi eli linjikuleka.”

Zakaliya 3:7

“Shukulu Kalunga Muka-nzili yoshe nendeka ngwendi, ‘Nga wenda mwamuvwa mu vingila vyange nakunyunga mashiko ange, co ukapwa mukulunu wa Njuvo yange na vimbanja vyayo, co njikaziva malombelo ove, ngwe munjikazivi malombelo a tungelo vaje vali ku mesho ange.

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

Luka 10:16

Yesu wendekele kuli vandongisi vendi ngwendi, “Woshe uje amitolilila, atolilila yange, woshe uje amivyana avyana yange, co woshe uje anjivyana, avyana uje wanjitumine.”

Luka 12:12

Omwo Munzinzime Wakujela akaminangula mumunapande kwendeka a simbu ije vene.”

Luka 21:15

omwo njikamyana majwi na mana ngeci vitozi veni kuvakasa kumivayesa nambe kuvyana vimukendeka.

Luka 21:36

Nyanyameni nakulombela simbu yoshe ngeci mukakale na nzili yakuhyana vyoshe vije vikalingiwa nakwimana ku mesho a Muna Munu.”

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

2 Kolinte 5:16

Ngecivene, kukwesi simbu yeka lalo itukasompa munu woshe-iwoshe mu cisemwa ca ano asi, nambe nga ku simbu imo twasompele Kilistu ngwe ku cisemwa ca ano asi, kutukelukilamo lalo kulinga ngacije.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Ngalatiya 2:5

oloni mukunyunga mwamuvwa vushunga vwa muzimbu omwo yeni, kutwavatavele nambe kasimbu kakandondo.

VaHevelu 5:14

Oloni vyakulya vyakukola vyapwa vya vakulunu, vaje vanalilongesa nakwilula nakwangununa mukati ka vyuma vyavivwa nevi vyavivi.

Yunda 1:24

Co ololo kuli uje asa kuminyunga kutewa mutanuka, nakuminena nakujolela ku vumpau vwendi kujeneka mulonga,