Njelemiya 15:15 - Livulu lya Shukulu Kalunga

¹⁵ Asinoni njendekele ngwange, “Yove Shukulu Kalunga wazivuka. Njanuke nakunjikwasa. Njilingile shambandinga vaje valinakunjipakesa. Kesi utetele vitozi vange simbu kanda vanjitsiye, vyoshe evi vilinakwija ali yange omwo ali yove.

Njelemiya 15:15 Iomraidhean Croise

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:31

njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Nehemiya 5:19

Njilomba kuli yove Shukulu Njambi, anuka vyoshe vije vyavivwa njalingila vanu ava.

Nehemiya 6:14

Co njalombelele ngwange, “Shukulu Njambi, anuka evi vivanalingi va Toviya na Sanevalate, co vanyanyamese. Anuka uje munakazi Nondiya na vakwavo veka vaka-kwimanena vaje vesekele kunjizivisa lyova.”

Yombi 10:7

Nameme uzivuka ngeci kunjesi na mulonga, ngeci naumo wai asa kunjamena ku livoko lyove.

Myaso 102:24

Ngecivene, njendekele ngwange, “Yove Njambi yange, kesi unjambate ololo vene simbu kanda njicikuluvale! Yove Shukulu Kalunga unapande kuyoya ku myaka yoshe.”

Myaso 106:4

Yove Shukulu Kalunga njanuke, omo umwesa ngozi kuli vanu vove, nange lalo njanuke omo wamena vanu vove.

Myaso 119:84

Visimbu vingaijo njikavandamena? Simbu mukajo ukahisa vaje valinakunjiyandesa?

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 39:13

Acinjiseze tai njicivwaelele, simbu kanda njitse nakuya ku vukalo vwa vatsi.

Myaso 44:22

Oloni omwo ali yove mukemwo valinakututsiya simbu yoshe, valinakutupwisa ngwe vimanga vaje valinakuya nakuvatsiya.

Isaya 38:3

“Shukulu Kalunga, anuka ngeci yange njakupangela nakukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 15:10

Nga kunjasemukile! Simbu yoshe njili mu vitanga na vanu voshe va muno mu Yunda. Kunjesi kukumuna vimbongo nambe vanjikumwise vimbongo embwe, oloni munu woshe alinakunjisinga.

Njelemiya 15:20

Njikakupwisa ngwe cimpaka cakukola manene ca vunengu kuli vanu ava. Vakevo vakakulwisa, oloni kuvakakufungulula embwe. Yange njikakala amo nove nakukunyunga mwamuvwa.

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 18:23

Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 20:12

Oloni Shukulu Kalunga Muka-nzili yoshe, ukelula vanu mu vushunga, uzivuka vili mu vimbunge vyavo na mu viyongola vyavo. Ngecivene, njishaka kumona muulinga shambandinga na vitozi vange, omwo njinakuleke n̄anda yange.

Njelemiya 20:8

Omo njendeka, co njitambeka ngwange, “Vukalu nakunyonga!” Shukulu Kalunga simbu yoshe valinakunjishendumuna nakunjijola, omo njambulula lijwi lyove.

Mbimbi 3:64

“Yove Shukulu Kalunga, vanyanyamese a vije vanalingi,

Mbimbi 3:66

Yove Shukulu Kalunga, vasheke na vukalu nakuvanyongesa ano a kaye!”

Mateo 10:22

Co vanu voshe vakamizinda omwo lizina lyange. Oloni uje akakateya nakweta ku shongo akovoka.

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Luka 21:17

Voshe vakamizinda omwo lizina lyange.

Loma 12:19

Vasamba vange, kesi mulinge shambandinga, oloni eceleni vukalu vwa Njambi vucilinge. Omwo visoneka vyendeka ngwavyo, “Yange njilinga shambandinga, njikavelwisila fweto yavo, mwanendeka Shukulu Kalunga.”

Loma 8:35

Iyajo asa kututundisa ku cizemo ca Kilistu? Tuyando, nambe vukalu, nambe mapakeso, nambe njala, nambe vuutu, nambe vushonde, nambe kutsa ndi?

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”

Maako 16:28

Asinoni Samusoni walombelele kuli Shukulu Kalunga ngwendi, “Yove Shukulu Kalunga wa Akamwa ya Vyoshe njanuke, Shukulu Njambi, njane nzili yange lalo a simbu ino vene, ngecivene, njilinge shambandinga vaFilisitiya lumolika a mesho ange avali.”