Njelemiya 15:1 - Livulu lya Shukulu Kalunga

¹ Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 15:1 Iomraidhean Croise

Kushangumuka 19:27

Mutondo-tondo uje vene, Avilahama wazambwilile ku mutambela kuje wemanene nakwendeka na Shukulu Kalunga.

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

Myaso 106:23

Ngecivene, Njambi wendekele ngwendi akanyongesa vanu vendi, oloni Mosesa ngamba yendi uje yaangwile wemanene mukati ku mesho a Njambi nakuvindika vukalu vwendi ngeci kesi avanyongese.

Myaso 99:6

Mosesa na Alone vapwile vaka-kukombelela vendi, Samwele wapwile umo wa vaje valombelele kuli Shukulu Kalunga, co ikeye wakumbulwile malombelo avo.

Visimo 14:35

Vimyene vakavwaelela na vamyata va kulongwa, oloni vakahisa vamyata vaje valinga mwamuvi.

Njelemiya 10:18

Shukulu Kalunga nendeka ngwendi, “Njikasheka voshe vaje vakala muno mu lifuti, co njikavanenela n̄avava, ngeci vazive muyafwa.”

Njelemiya 11:14

Njelemiya, kesi ulombele kuli yange nambe kunjilambelela ngeci njamene vanu ava omo vali mu tuyando, nameme valombela kuli yange ngeci njivakwase, oloni kunjikavatolilila.”

Njelemiya 14:11

Shukulu Kalunga wendekele kuli yange ngwendi, “Njelemiya, kesi ulombelele vanu ava ngeci vavezike embwe.

Njelemiya 14:12

Nameme nga vazila kulya, oloni kunjikatolilila ku mutambi wavo wakuvakwasa, nameme nga vakombelela vin̄ombelo vya kwenyeka, na vin̄ombelo vya vimbuto vya vinona, kunjikavitambula embwe. Oloni njikavanyongesa na moko ya mukwale, na njala ya lyangengela, na mushongo wakulitambwisa.”

Njelemiya 15:19

Ngecivene, Shukulu Kalunga wakumbulwile ngwendi, “Nga utenguluka, co njikakutambula, ngeci unjipangele lalo. Nga wambulula vya seo, kesi kwambulula vyuma vyangoco, co ukapwa muka-kwimanena wange lalo. Vanu va mu Yunda vakatolilila vije ukendeka, kesi ukombe mbunge kukujujwisa kwavo.

Njelemiya 16:13

Ngecivene, njikamyumbila anja ya lifuti eli, njikamitwala mu lifuti lije yeni nambe vakukulwila veni kumwalizivukile. Kuje mukapangela vinjambi veka mutanya na vutsiki, co kunjikamizivila mema ku mbunge!’ ”

Njelemiya 16:5

“Kuwapandele kukovela mu njuvo muje valinakulila. Kesi ukazivile vusiwa a munu umo. Omwo njinatundisa kwoloka kuli vanu ava, na cizemo, na mema ku mbunge.

Njelemiya 18:20

Kuma mwamuvwa kwilwisila vuvi ku vuvwa ndi? Oloni vananjindila mbulu ngeci njiwilemo. Anuka muje munjemanene ku mesho ove nakuvemanena ngeci kesi uvanyanyamese.

Njelemiya 22:28

Njendekele ngwange, “Kuma Mwene Yehoyakine napu ngwe njava ya kutsa ije ivanombila kuti, ije naumo wai aishaka ndi? Kuma mukemwo vana vendi vanavatwala ku vunzinda ku lifuti lije kuvazivukile mulyafwa?”

Njelemiya 23:39

mwa vushunga vene njikavambata, co njikavombila kuti, amolika na vakevo na nganda ije injanene kuli vakevo na kuli vakukulwila vavo.

Njelemiya 35:19

Ngecivene, yange Kalunga, Muka-nzili yoshe, Njambi ya Isalele, njikulaesa ngwange ku naanga ya Yonandave muna Lekave simbu yoshe kukakala munalume uje akanjipangela.”

Njelemiya 52:3

Shukulu Kalunga waluvalele manene na vanu va mu Yelusalema na mu Yunda, ngeci wavazilwile kutunda ku mesho endi. Zendekiya watengulukilile Mwene Nevukaneza wa ku Mbambilone nakumulwisa,

Njelemiya 9:19

Tolilileni mutambi wakulila mu Siyone ngwawo, “Twaviya! Cili vene tuli na shwamwa yakama! Tunapande kutunda mu lifuti lyetu, membo etu vanawasiwula.”

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 22:30

Yange njashakezekele munu umo uje asa kutunga civumbe, nakwimana mu mitambela muje munatavozoka vivumbe, nakunyunga lifuti omo vukalu vwange vushaka kulinyongesa, oloni naumo wai njawanenemo.

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Zakaliya 3:3

Co Yoshwa wemanene kuje, oku nazala vuzalo vwa mazilo.

Kwituluka mu Mashiko 9:26

Co njalombelele kuli Shukulu Kalunga ngwange, ‘Yove Shukulu Kalunga wa Akamwa ya Vyoshe, kesi unyongese vanu vove vaje vawapatwile na nzili yove yakama kuvatundisa mu Ingito na livoko lyove lya nzili.

VaHevelu 9:24

Omwo Kilistu kakovelele mu Mwela Wakujela wakutunga kuli vanu embwe, uje vatembunwinine ku uje wa vushunga. Ikeye waile mwilu, kuje nasholoka mukutwimanena ku mesho a Njambi.

Maako 5:9

Mbunge yange ili amo na vana va vimyene va mu Isalele, vaje valyanene vakevo vavenya na cizango akati ka vanu. Shangazaleni Shukulu Kalunga!

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 7:9

Samwele watsiile muna manga wamukombelelele woshe wamutunu kupwa n̄ombelo ya kwenyeka kuli Shukulu Kalunga. Asinoni Samwele walombelele kuli Shukulu Kalunga ngeci akwase Isalele, co Shukulu Kalunga wakumbulwile malombelo endi.