Njelemiya 14:9 - Livulu lya Shukulu Kalunga

⁹ Omwo vikajo unapu ngwe munu ivanakasumuna, nambe ngwe lishwalale najeneka nzili mukulyamena? Mwa vushunga Shukulu Kalunga yove uli netu! Yetu tu vanu vove kesi utuseze embwe.’ ”

Njelemiya 14:9 Iomraidhean Croise

2 Mizimbu 7:14

nga vanu vange vaje vanaliluku lizina lyange vakalikeesa, nakulombela, nakushakezeka cizango cange nakutenguluka ku vingila vyavo vya vuvi, co njikavaziva oku njili mwilu, njikavasambesa ku vuvi vyavo, co lifuti lyavo likakala mwamuvwa.

Myaso 10:1

Omwo vikajo uli kulyala nange yove Shukulu Kalunga? Omwo vikajo kuusholokela a simbu ya tuyando?

Myaso 27:9

kesi unjikengese nima!” Kesi uluvale nange, kesi ushekele ngamba yove kulyala. Yove mukwasi wange, kesi unjiseze, nambe kunjikengesa nima, Njambi yange, muyoyesi wange!

Myaso 46:5

Njambi ikeye wakala muje mu nganda, co naumo wai akainyongesa, oloni akaikwasa a mungulungengu.

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 43:7

Vakevo vanapu vanu vange, njavatangele ngeci vanene kasingimiko kuli yange.”

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 59:1

Kesi muyongole ngweni Shukulu Kalunga wapwa wakuzeya manene mukumyamena, nambe wapwa kasinda-matwi manene mukuziva malombelo eni ngeci amikwase embwe!

Isaya 63:19

Ulinakutupangesa ngwe kesi yove wapwile u ntwama yetu, ngwe kesi tu vanu vove.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Njelemiya 8:19

Tolilileni! Mu lifuti mwoshe njilinakuziva kulila kwa vanu vange ngwavo, “Kuma Shukulu Kalunga waimo mu Siyone ndi? Kuma mwene wa mu Siyone waimo ndi?” Shukulu Kalunga mwene yavo nakumbulula ngwendi, “Omwo vikajo munanjiluvalesa akulemesa tumponya tweni nakutsikamena vinjambi vakujeneka seo?”

Mbimbi 5:20

Omwo vikajo unatusezela ngacije simbu yakama? Kuma kuukatwanuka lalo ndi?

Ezekiyele 48:35

Co vulaja vwoshe vwa civumbe mu mitambela iwana ya nganda yapwile mamita 900. Co lizina lya ije nganda kutunda lelo na kulutwe likapwa “Shukulu Kalunga ali Kuno!”

Hambakuke 1:2

Shukulu Kalunga, visimbu vyavingi njinakala nakutambeka kuli yove ngeci unjikwase. Simbu mukajo ukanjitolilila? Simbu mukajo ukatwamena ku vanu vaje vashaka kulinga vyuma vya muuka kuli yetu?

Zakaliya 2:5

Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”

Zakaliya 8:3

Njikeluka ku Yelusalema, nganda yange yakujela, co njikakala muje. Vakaitumbula nganda ya kulongwa, co lilundu lya Shukulu Kalunga Muka-nzili yoshe vakalitumbula ngwavo lilundu lyakujela.

Kulava 11:23

Co Shukulu Kalunga wamukumbulwile ngwendi, “Kuma nzili yange yakala naa ayahwila ndi? Cooni ololo ukamona nga evi njinendeka vikalingiwa nambe kuvikalingiwa!”

Vilinga vya Miluwa 15:17

Ngecivene, vanu voshe vakaija kuli yange, voshe vaje kesi vaYunda vaje vanjinasana kupwa vange.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Kwituluka mu Mashiko 23:14

Mu ngila eyi mukanyunga cilombo ceni cikapwe cakujela, omwo Shukulu Kalunga Njambi yeni ali amo neni mu cilombo ceni mukuminyunga ngeci mukafungulule vitozi veni. Kesi mulinge cuma cimo ca vunyengwe cije cikaluvalesa Shukulu Kalunga ngeci amikengese nima.

Kwituluka mu Mashiko 28:10

Co vaka-mafuti oshe a ano asi vakamona ngeci Shukulu Kalunga wamyangwile kupwa vanu vendi, co vakamizivila lyova.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”

Kujombolola 21:3

Co njazivile lijwi lyakama lyendekele kutunda ku litanda ngwalyo, “Ololo mbalaka ya Njambi ili amo na vanu! Akakala amo navo, co vakapwa vanu vendi. Njambi vavenya akakala amo navo, co ikeye akapwa Njambi yavo.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.