Njelemiya 14:22 - Livulu lya Shukulu Kalunga

²² Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Njelemiya 14:22 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 17:14

omwo eci cikeco canendeka Shukulu Kalunga, Njambi ya Isalele ngwendi, ‘Vunga vwa tiliku kuvukahu mu lilonga nambe mazi kuwakahu mu njava omo kanda litangwa lije yange, Kalunga, njitume nyonzi.’ ”

1 Vimyene 18:1

Munima ya simbu imo, mu mwaka wamucitatu wa lilanga, Shukulu Kalunga wendekele kuli Elinja ngwendi, “Ya ukalisholole kuli Mwene Ahave, co yange njikatuma nyonzi.”

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Yombi 28:26

Omo Njambi wayongwele kulijo nyonzi inapande kunyokela, na mu ngila muje mwakwitila nyonzi yakuluma,

Yombi 5:10

Ikeye akanyokesa nyonzi ano a kaye, nakunyokesa lalo nyonzi mu mahya.

Myaso 130:5

Njilinakuvandamena kukwasa kwa Shukulu Kalunga, co njinakulaela mu lijwi lyendi.

Myaso 135:7

Ikeye akasholola mashelwa kutunda ku shongo ya kaye, akatumu muhyato amo na nyonzi, co atuhwisa lalo lihunzi muje mulyakala.

Myaso 147:8

Ikeye wafwika melu na mashelwa, nakunyokesa nyonzi ano asi, ngeci a malundu amene mwila.

Myaso 25:21

Vuvwa vwange na kasingimiko kange vinjinyunge, omwo njinakulaela kuli yove.

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Njelemiya 10:12

Shukulu Kalunga watangele kaye na nzili yendi, watangele kaye na mana endi, co wajangumwine melu.

Njelemiya 10:13

Akushika kwendi mema a mwilu akuma, ikeye muka-kwendesa mashelwa kutunda ku shongo imo ya kaye nakweta ku shongo ikwavo. Muka-kuyemwisa muhyato mu nyonzi, nakutuma lihunzi kutunda mu cishete cendi.

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 10:3

Omwo vilika vya vanu ava vinapu vyangoco, omwo munu ashinja muti mu shwata, aushonga kamponya,

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 5:24

Kumwesi kuyongola mu vimbunge ngweni tukomokeni Shukulu Kalunga nameme ikeye kanyokesa nyonzi a nyangao na a ndombo, nakutwana visimbu vya kuteja vimbuto vyavingi a mwaka na mwaka.

Njelemiya 51:16

Akushika kwendi mema a akamwa ya mwilu akuma, akungulula mashelwa kutunda ku mitambela ya kaye. Ikeye muka-kuyemwisa muhyato wa nyonzi, nakutuma lihunzi kutunda ku njuvo yalyo yavutulikilo.

Hoziya 2:7

Akakava vaka-cizemo cendi, oloni kakavawana. Akavakengezeka, oloni kakavawana. Asinoni akendeka ngwendi, “Njiiluka kuli munalume wange wakulivanga, kuje njakele mwamuvwa kutuvakana muno munjili kuno ololo.”

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Amose 4:7

Yange kunjanyokesele nyonzi omo vimbuto vyeni vyashakele nyonzi. Co njanyokesele nyonzi ku nganda imo, oloni kunjainyokesele ku nganda ikwavo. Ku lihya limo kwanyokele nyonzi, oloni ku lihya likwavo kwomine cau.

Mika 5:6

A nzili ya vitwa vakafungulula Asilya, na lifuti lya Nimelonde, co vakatwamena kuli vaAsilya omo vakovela mu lifuti lyetu.

Mika 7:7

Oloni yange njikakengelela kuli Shukulu Kalunga, njikavandamena nakukulaela kuli Njambi uje akanjamena. Njambi yange akanjiziva.

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Kwituluka mu Mashiko 28:12

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.