Njelemiya 14:21 - Livulu lya Shukulu Kalunga

²¹ Anuka vikulaeso vyove, co kesi utuyeluwise, kesi uzivise shwamwa Yelusalema mwela uje wa litanda lyove lya vumpau. Kesi upokole cikumiiyo cije walikumiiye netu.

Njelemiya 14:21 Iomraidhean Croise

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 145:11

Vakendeka vya vumpau vwa vumwene vwove, nakwambulula a nzili yove,

Myaso 25:11

Omwo a lizina lyove yove Shukulu Kalunga, njisambese ku vuvi vwange, omwo vwavungi manene.

Myaso 51:11

Kesi unjitundise ku mesho ove, co lalo kesi unjitundise munzinzime wove wakujela.

Kutuuka 32:13

Anuka vangamba vove, Avilahama, na Isake, na Yakomba. Anuka cikumiiyo cije walikumiiye navo ngwove ukavana vatekulwila vavangi ngwe vingongonosi vya mwilu, nakukaana lifuti kuli vatekulwila vavo lije liwavakulaesele ngeci likapwe vushwana vwavo ku myaka yoshe.”

Isaya 62:6

Yelusalema njinaka vaka-kunyunga a vivumbe vyove. Vipangi vyavo vinapu kwendeka mutanya na vutsiki, vanapande kwanukisa Shukulu Kalunga vikulaeso vyendi kwakwonwa kuvivala.

Njelemiya 14:19

Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 14:7

Vanu vange vanjililila ngwavo, ‘Nameme vuvi vwetu vutuhisa, oloni Shukulu Kalunga tukwase ngwe omo watukulaesele. Tunakukengesa nima visimbu vyavingi, tunalingi vuvi ku mesho ove.

Njelemiya 17:12

Njuvo yetu ya Shukulu Kalunga inapu litanda lya vumpau, yemana a munkinda waulaja kutunda ku san̄ulu.

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 2:20

Yove Shukulu Kalunga, kenga ali vaje ulinakuyandesa! Vanakazi valinakulya vana vavo vaje vavazema! Vaka-kukombelela na vaka-kwimanena valinakuvatsiila mu Njuvo yove!

Ezekiyele 20:22

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 39:25

Shukulu Kalunga wa Akamwa ya Vyoshe wendekele ngwendi, “Ololo njikazivila mema ku mbunge vatekulwila va Yakomba, vanu va Isalele, co vakavezika lalo. Njikanyunga lizina lyange lyakujela.

Ezekiyele 43:7

“Muna munu, eli likelyo litanda lyange. Njikakala kuno akati ka vanu va Isalele nakuvashwana ku myaka yoshe. Nameme vanu va Isalele nambe vimyene vavo vakashaula lalo lizina lyange lyakujela akulemesa vinjambi veka, nambe kutsinda vivimbi vya vimyene vavo mu mutambela uno.

Ndanyele 9:7

Yove Shukulu Kalunga, simbu yoshe wapwa u muka-vushunga, oloni yetu simbu yoshe tu vaka-kulinga vyuma vya shwamwa. Eci cinapu ca vushunga kuli yetu voshe tuli mu Yunda na mu Yelusalema, na vaIsalele voshe vaje vawashandwelele mu mafuti amuyehi naa a kulyala omo kuvakulaelele kuli yove.

VaLevi 26:11

Njikakala akati keni mu mbalaka yange yakujela, co kunjikamikengesa nima.

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Kwituluka mu Mashiko 32:19

“Omo Shukulu Kalunga wamwene evi, co waluvalele, omwo vana vendi va vanalume na ava va vanakazi vamushangumwine.

Kujombolola 11:2

Oloni kesi ukaseteke vimbanja vyayo vya anja, omwo vanavyana kuli vaka-kujeneka kukulaela vaje vakalyatangela Nganda Yakujela a vingonde makumi awana na vingonde vivali.

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.