Njelemiya 14:19 - Livulu lya Shukulu Kalunga

¹⁹ Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 14:19 Iomraidhean Croise

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Yombi 30:26

Omo njakengelelele vuvwa, co kwezile vuvi, omo njavandamenene ceke, co lisusulungu lyezile.

Myaso 78:59

Omo Njambi wamwene eci waluvalele, co wavyanene vanu vendi kuvyanenena.

Myaso 89:38

Oloni yove unaluvala na mwene uje iwangwile, unamuvyana nakumuseza.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Njelemiya 12:8

Vanu vange vakwangula vananjitengulukila nakunjilwisa ngwe ndumba, co valinakunjanena, ngecivene, njavazindi.

Njelemiya 15:1

Asinoni Shukulu Kalunga wanjilekele ngwendi, “Nameme nga Mosesa na Samwele vali kuno mukulombela amo nove, nga kunjikazivila vanu ava mema ku mbunge. Vasheke, vatunde ku mesho ange.

Njelemiya 15:18

Omwo vikajo njilinakuyanda simbu yoshe? Omwo vikajo vimbandu vyange kuvyesi nakwola? Omwo vikajo kuvyesi nakukanguka? Kuma ushaka kunjiyeluwisa ngwe ndonga yuma a simbu ya nyangao ndi?”

Njelemiya 30:12

Shukulu Kalunga alinakwendeka kuli vanu vendi ngwendi, “Vimbandu vyeni kuvikanguka, nakuvetwa kweni kukukanguka.

Njelemiya 30:13

Kukwesi umo wakuminyunga, kukwesi vyemba vyakwaka a vimbandu vyeni, kukwesi cinyangavili cakumikangwisa.

Njelemiya 51:5

Yange Kalunga Njambi Muka-nzili yoshe, kunjasezele vanu va mu Isalele na vanu va mu Yunda, nameme vanalingi vuvi ku mesho ange muka-kujela wa Isalele.

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Njelemiya 8:15

Twakengelelele kukale kwoloka na simbu ya vukangule, oloni kuvyakeleko kwakele lika lyova.

Njelemiya 8:22

Nga mu Ngilyande mwakele vyemba, nambe nga mwakele vimbanda, omwo vikajo vanu vange kuvakangukile?

Mbimbi 2:13

Ove Yelusalema, Yelusalema injazema, vikajo njendeka kuli yove? Vatijo njikuzembeleka? Kukwesi umo wayandele ngeci wai. Tuyando twove tunaama ngwe mema a kalunga, iyajo asa kukukangwisa?

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Mbimbi 4:17

Twakengelelele vukwasi kwija kuli yetu noo twajukile kukengelela. Twakengelelele ngeci tumone vukwasi vutunda ku muyati umo wa vanu, oloni muyati wa vanu naumo wai watwanene vukwasi.

Mbimbi 5:22

Indi unatuvyana vene ku myaka yoshe ndi? Kuma kukwesi naa asikisila kuluvala kwove ndi?

Mika 1:12

Vandameneni vuvwa yeni vanu va Malote, omwo tuyando twakama tunatundu kuli Shukulu Kalunga, tunete na ku cikolo ca Yelusalema.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.