Njelemiya 14:18 - Livulu lya Shukulu Kalunga

¹⁸ Omo njiya mu mahya njimona mivila ya vaje vatsililile mu nzita, omo njikovela mu membo, co njimona vanu valinakulanduka ku njala. Oloni vaka-kwimanena na vaka-kukombelela valinakupanga vipangi vyavo, kuvazivuka vije vilinakulingiwa.”

Njelemiya 14:18 Iomraidhean Croise

Isaya 22:2

Nganda yoshe ilinakutambeka, inashulu na muyoyo nakutangalala. Vanu vaje vanalala mu vitapalo omwo yakupenda kuvavatsiile mu nzita.

Isaya 28:7

Vaka-kwimanena na vaka-kukombelela vanapende, co valinakutalyangela. Vananu manene vinyu na vwala, vatalyangela nakujeneka kuzivuka vivalinga. Vaka-kwimanena na vaka-kukombelela vanapende manene ngeci vanonwa kuzivisisa vimona vyanavamwesa Njambi, nakusompa mwamuvwa milonga ije ivalinakuvanenela.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 23:21

Shukulu Kalunga wendekele ngwendi, “Kunjatumine vaka-kwimanena ava, oloni nameme ngoco vaile. Kunjaavanene majwi akwendeka, oloni anga vambulwile vuka-kwimanena mu lizina lyange.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 6:13

Munu woshe, mwanike nameme mukulunu ali na cipululu ca vimbongo, nameme vaka-kwimanena na vaka-kukombelela voshe vanapu vaka-kukwisa vanu.

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Mbimbi 2:19

Induka-induka vutsiki vwoshe ngeci ulombele kuli Shukulu Kalunga, ngeci ecele mbunge yove nakumulomba ngeci akuzivileko mema ku mbunge a vana vove vaje valinakulanduka ku njala mu vimbango vyoshe vya vitapalo!

Mbimbi 4:9

Vaje vatsililile mu nzita vatsile mwamuvwa kutuvakana vaje vanatsi kukotokela, vaje valandukile ku njala noo vatsile omwo vajenekele vyakulya vyakuvayoyesa.

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.

Amose 4:6

“Yange njanenele njala ya lyangengela mu vinganda vyeni vyoshe, oloni kumwelukile kuli yange.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Kwituluka mu Mashiko 28:36

“Shukulu Kalunga akamitwala, na mwene yeni uje mukaangula ku lifuti lya vungenzi, lije kumwazivukile yeni nambe vakukulwila veni. Kuje mukapangela vinjambi vakushonga va viti na mamanya.

Kwituluka mu Mashiko 28:64

“Shukulu Kalunga akamishandwela akati ka miyati yoshe ya ano asi, co kuje mukapangela vinjambi vakushonga va viti na mamanya, vinjambi vaje nambe yeni nambe vakukulwila veni kumwavazivukile.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!