Njelemiya 14:16 - Livulu lya Shukulu Kalunga

¹⁶ Vanu vaje vavanakala nakuleka vyuma evi, navo lalo njikavatsiya mu cifwa cimolika. Mivila yavo vakayumbila mu vitapalo vya Yelusalema, naumo wai akavatsinda nameme vanakazi vavo, nambe vana vavo va vanalume, nambe vana vavo va vanakazi. Omwo njikavelwisila vuvi vwavo.”

Njelemiya 14:16 Iomraidhean Croise

Visimo 1:31

Ngecivene, mukawana vije vimwashakele, co mukakuta na vilinga vyeni.

Isaya 51:20

Ku vimbango vya vitapalo vyoshe vanu vove valinakulezumuka omwo kuzeya, vanafu ngwe mbambi natsi mu mweto wa ciyambi. Vanazivi nzili ya vukalu vwa Njambi.

Isaya 9:16

Vaje vatwamenena vanu ava valinakuvongumuna nakuvazimbalesa.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 20:6

Ngecivene, Pashehule, yove na naanga yove yoshe vakamifungulula nakumitwala ku Mbambilone. Kuje kukekwo kuukatsila nakukutsinda amolika na vasamba vove vaje vaunaleka makuli.’ ”

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 4:18

Yunda, yove vavenya walikokela evi a ngila yakuyoya kwove, na a vyuma vije viwunalingi. Vuvi vwove vukevwo vunanena tuyando otu, ngeci vunakuzivisa ku mbunge kuvavala.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 7:33

Co tuzila na tusitu vakalya mivila yavo, co naumo wai akavashekao.

Njelemiya 8:1

“A simbu ije vitsiya vya vimyene na vitsiya vya vamyata va mu Yunda, na vitsiya vya vaka-kukombelela, na vitsiya vya vaka-kwimanena, na vitsiya vya vanu veka vaje vakele mu Yelusalema, vakavitundisa mu vimbumbo vyavo.

Njelemiya 8:2

Kuvakavikungulula nakuvitsinda, oloni vitsiya vyavo vikafwa ngwe vwilo. Vakavishanda a litanya, na ngonde, na vingongonosi, vije vivazemene nakuvipangela, nakuvilemesa.

Njelemiya 9:20

Njelemiya wendekele ngwendi, “Yeni vanakazi tolilileni lijwi lya Shukulu Kalunga. Longeseni vana veni va vanakazi kulila, nakulongesa vasamba veni kwimba myaso ya vusiwa.

Njelemiya 9:22

Vivimbi vinashandokela kwoshe-ikwoshe, ngwe vinumbo vya vwilo vwa mu mahya, nambe ngwe tiliku ivanateje, oloni vaka-kuteja vanaiseze, naumo wai asa kuyikungulula. Evi vikevyo vyananjileke Shukulu Kalunga ngeci njivyendeke.”

Ezekiyele 39:14

Omo vingonde vitanu na vivali vineti, vakaangula vanu vakaitangane mukati ka lifuti ngeci vawane mivila ije yasaleleo ngeci vaitsinde, ngeci vajelese mu lifuti.

Amose 7:17

Ngecivene, yove Amaziya, Shukulu Kalunga nendeka kuli yove ngwendi, ‘Munakazi wove akapwa cikwizi wa mu vitapalo, co vana vove vakavatsiila mu nzita. Lifuti lyove vakalitepesa nakulyana kuli vanu veka, co yove ni ukatsila mu lifuti lya vaka-kujeneka kukulaela. Co vanu va mu Isalele vakavatundisa mu lifuti lyavo nakuvatwala ku vunzinda.’ ”

Mateo 15:14

Veceleni, kesi mulinyenge ali vakevo! Vakevo vanapu vantwama va tupuputwa vatwamenena tupuputwa vakwavo. Co nga kapuputwa atwamenena kapuputwa mukwavo, voshe vavali vakawila mu mbulu.”

Kujombolola 16:1

Asinoni njazivile lijwi lyakama lyatundile mu Njuvo ya Shukulu Kalunga lyendekele kuli tungelo vatanu na vavali ngwalyo, “Yeni muketile asi aje malonga atanu na avali a vukalu vwa Njambi!”