Njelemiya 14:14 - Livulu lya Shukulu Kalunga

¹⁴ Oloni Shukulu Kalunga wakumbulwile ngwendi, “Vaka-kwimanena valinakwendeka makuli mu lizina lyange, kunjavatumine embwe, nameme kuvana mashiko amo, nambe kwendeka lijwi limo kuli vakevo lyai. Vimona vije valinakwambulula kuvyesi nakutunda kuli yange, oloni vinapu vimona vyavo vyangoco, na manseno avo vavenya na viyongola vyavo vavenya.

Njelemiya 14:14 Iomraidhean Croise

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Isaya 9:15

Vakulunu na vanalume va kasingimiko vanapu mutwe, co vaka-kwimanena va vilongesa vya makuli vanapu mukila!

Njelemiya 20:6

Ngecivene, Pashehule, yove na naanga yove yoshe vakamifungulula nakumitwala ku Mbambilone. Kuje kukekwo kuukatsila nakukutsinda amolika na vasamba vove vaje vaunaleka makuli.’ ”

Njelemiya 28:11

co wendekele ku mesho a vanu voshe ngwendi, “Shukulu Kalunga nendeka ngwendi omu mukemwo mwakatavula mandauluwa ya Mwene Nevukaneza ije yanaaka mu mikoshi ya vanu voshe, co akalinga eci mu myaka ivali lika.” Co njaile.

Njelemiya 28:13

kuya nakuleka Hananiya ngwange, “Shukulu Kalunga nendeka ngwendi yove wasa kutavula mandauluwa ya citi, oloni akengisamo mandauluwa ya cikuvo.

Njelemiya 28:15

Asinoni njalekele Hananiya ngwange, “Tolilila, Hananiya! Shukulu Kalunga kakutumine embwe, co ulinakulingisa ava vanu kukulaela makuli.

Njelemiya 29:21

Shukulu Kalunga Muka-nzili yoshe, Njambi ya Isalele, nendeka ali Ahave muna Kolaya na Zendekiya muna Maseya, vaje valinakumileka makuli mu lizina lyendi. Nendeka ngwendi akavaka mu mavoko a Mwene Nevukaneza wa Mbambilone, uje akavatsiya oku munakengeko.

Njelemiya 29:31

njitume majwi awa kuli vinzinda voshe vaje vali ku Mbambilone, njivaleke vije vyanendeka Shukulu Kalunga ali Shemaya ngwange Shukulu Kalunga nendeka ngwendi, “Shemaya wambulwile vuka-kwimanena kuli yeni, oloni kunjamutumine embwe, namilingisa ngeci mukulaele vya makuli.

Njelemiya 37:19

Vikajo vyalingiwa kuli vaka-kwimanena vove vaje vakulekele ngwavo mwene wa Mbambilone kakaija nakukulwisa, nambe kulwisa lifuti lyove?

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Njelemiya 8:11

Vanapwisa vimbandu vya vanu vange ngwe vitunyu vitunyu, co vendeka ngwavo vinolo, oloni kuvyolele.

Mbimbi 2:14

Vaka-kwimanena vove navimo vyai vya vushunga vakulekele, kuvanga makuli lika, vakukwisile nakwambulula kwavo, co yove kuwalitavelele vuvi vwove. Vakevo vakulingisile kuyongola ngeci kesi utenguluke ku vuvi vwove.

Mbimbi 2:9

Vikolo vinanyongo mu livu, mikambo yavyo yoshe inatsenozoka. Mwene na vanu va vulemu ololo vali mu vunzinda. Ololo naumo wai lalo alongesa mashiko, co vaka-kwimanena kuvesi na vimona lalo vyakutunda kuli Shukulu Kalunga.

Ezekiyele 12:24

“Akati ka vanu va Isalele, kuwakakala lalo vimona vya makuli, nambe vuka-kwimanena vwakuungumwisa.

Ezekiyele 13:2

“Muna munu, hisa vaka-kwimanena va Isalele vaje valinakulilingila vuka-kwimanena vwavo vavenya. Valeke vatolilile lijwi lya Shukulu Kalunga.”

Ezekiyele 13:23

“Ngecivene, ololo vimona vyeni vya makuli na vuka-kwimanena vweni vwakuungumwisa vunahu. Njilinakupatula vanu vange vatunde ku mavoko eni, muzivuke ngeci yange Kalunga.”

Ezekiyele 21:29

“Vimona vije mulinakumona vinapu vya makuli, na vyuma vije mulinakutumbula vinapu vya makuli. Yeni munapu vaka-vuvi na vaka-kupenga-penga, co litangwa lyeni lya cihiso cakumanesela lilinakwija. Co mukwale ukatapa mikoshi yeni.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Zakaliya 10:2

Vanu vakai nakwihula ku tumponya na kuli vaka-kulukiya, oloni kukumbulula kwavo kwapwa kwangoco na makuli. Vamo vakalumbununa vinjozi, oloni vamitanganesa lika, kuzembeleka kuje vakamwesa kwapwa kwangoco. Ngecivene, vanu vakalyendanganena ngoco ngwe vimanga kuvesi na kanyungi. Vali mu vushonde omwo kuvesi na ntwama.

Zakaliya 13:3

Asinoni nga munu umo anga akashaka kwambulula vuka-kwimanena, co vaishe na vaina vakamunangula ngwavo yove unapande kutsa vene, omwo ulinakwendeka makuli mu lizina lya Shukulu Kalunga. Nga anga akatwalao kwambulula vuka-kwimanena, co vaishe na vaina vakamutsiya na mukwale.

Kwituluka mu Mashiko 18:20

Oloni nga muka-kwimanena uje akomukwa nakwendeka lijwi limo mu lizina lyange lije kunjamushikile kulyendeka, nambe akendeka mu lizina lya vinjambi veka, co muka-kwimanena uje akatse vene.’

1 Timateo 4:2

Vilongesa evi vilinakutunda kuli vanu vaka-kuseveleka na vaka-makuli, vaje vitaku-taku vyavo vinatsi, ngwe vyakwenyeka na cikuvo ca tuhya.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.