Njelemiya 13:21 - Livulu lya Shukulu Kalunga

²¹ Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Njelemiya 13:21 Iomraidhean Croise

2 Vimyene 16:7

Ahaze watumine vanu kuli Tingelate Pilesele, mwene wa Asilya ngwendi, “Yange nji ngamba yove wakuliita kuli yove. Ija wakunjamene ku vimyene va Silya na Isalele, ava valinakunjilwisa.”

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 13:8

Vanu voshe vakalijujukila, vakakemanga ngwe munakazi akita mwana. Vakalikenga shwii umo na umo na lyova, co vihanga vyavo vikakala na shwamwa.

Isaya 21:3

Vije vinjamwene nakuziva mu cimona vyanjizivisile lyova nakuvinja, ngwe munakazi alinakukita.

Njelemiya 2:25

Isalele, kesi ujukise mendi ove, nambe mulivu wove kesi uminine na lihwila, kushatozoka noku-noku mukulemesa vinjambi veka. Oloni yove wendeka ngwove, ‘Embwe kunjasa kwiluka kunima. Njinashaka laja vinjambi veka, co njikavakavangeya.’ ”

Njelemiya 22:23

Mulinakukala mwamuvwa mukati ka miti ya kendale yakutunda ku Lembanone, oloni mukakala manene na vusiwa mukakemanga omo mushongo ukamiwana, mushongo ngwe wa munakazi uje ashaka kukita.

Njelemiya 30:6

Co ololo olokeni muyongole! Kuma munalume asa kukita mwana ngeci mwakalingi munakazi ndi? Omo vikajo njinamono vanalume voshe vanakwata mavoko avo ku mafu avo ngwe munakazi ashaka kukita? Omwo vikajo munu na munu cihanga cendi citokoloka?

Njelemiya 38:22

Mu cimona eci, njinamwene vanakazi voshe vaje vasalele mu lipela lya vumwene vwa Yunda, valinakuvatwala kuli vamyata va mwene wa Mbambilone. Omo vaile vakele nakwendeka ngwavo, ‘Vasamba va mwene va a mbunge vaje vakulaelele vanamukwisa nakumufungulula. Ololo myanja yendi omo inakovela mu mandova, vanamuseze endi lika.’ ”

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 6:24

Vanu va mu Yelusalema vanendeka ngwavo, “Tunauzivi muzimbu, co mavoko etu anazeye, vukalu vwa mushongo wakukemanga vunatuwana, co tulinakukemanga ngwe munakazi ashaka kukita.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Mateo 24:8

Vyuma vyoshe evi vinapu ngwe kushangumuka kwa mushongo wakukita mwana.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.