Njelemiya 13:18 - Livulu lya Shukulu Kalunga

¹⁸ Shukulu Kalunga wendekele kuli yange ngwendi, “Leka mwene na vaina vatunde a matanda avo, omwo vilongo vyavo vyavivwa vinau ku mitwe yavo.

Njelemiya 13:18 Iomraidhean Croise

2 Vimyene 24:12

co Mwene Yehoyakine na vaina na vana vendi na vamyata, valiitile kuli vaMbambilone. Mu mwaka wamucitanu na itatu wakushwana kwa Nevukaneza, Nevukaneza wakwatele Yehoyakine nakumupwisa cinzinda,

2 Vimyene 24:15

Nevukaneza watwalele Yehoyakine ku Mbambilone kupwa cinzinda, amolika na vaina ya Yehoyakine na vanakazi vendi na vamyata vendi na vantwama va mu Yunda.

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 33:23

Oloni ikeye kalikeesele ku mesho a Shukulu Kalunga, ngwe mwalikeesele ishe Manase, oloni ikeye wahyanene kulinga vuvi kutuvakana vuje vwalingile ishe.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 39:28

na kalupusa, na tukofwi, na tuputula twa linyu,

Visimo 27:24

omwo vufuko kuvwesi kukala simbu yoshe. Nameme vumwene kuvwesi kukala simbu yoshe.

Isaya 3:20

na vitepa vyavo na mikalo ya vyemba vya manseno vivanazala a mavoko avo na mu vimbunda vyavo,

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Njelemiya 22:26

Yove na vanyoko njikamitwala ku lifuti lya vunzinda. Mukaya ku lifuti lije kumwasemukilile, co muvuvali vweni, mukatsila kuje vene.

Njelemiya 29:2

Njausonekele a simbu omo Mwene Yehoyakine, na vaina, na vamyata va lipela, na vantwama va mu Yunda na mu Yelusalema, na vaka-vipangi vyakushonga, na vatongwe va vipangi vanavatwala laja mu vunzinda.

Njelemiya 36:16

Omo wamanesele kulilava, co vakele na lyova, co valyendekesele umo na mukwavo nakuleka Mbaluke ngwavo, “Tunapande kutwala vukaleo ovu kuli mwene.”

Mbimbi 1:6

Vuvwa vwa Yelusalema vunahu, vantwama vendi vanapu ngwe vishonge, vaje vanazeye na njala, vaje nzili yavo ilinakuhwa, omwo valinakutewa viyambi.

Mbimbi 1:9

Mazilo endi asholokele mu vuzalo vwendi, oloni ikeye kombileko mbunge kukujwala kwendi. Kuwa kwendi kwapwile kwakukomokesa, naumo wai wamuzembelekele. Vitozi vendi vanahyana, co atambeka kuli Shukulu Kalunga ngeci amuzivileko mema ku mbunge.

Mbimbi 2:10

Vakulunu va mu Yelusalema vanatumbama asi kuluu, vanalishuwila livu a mitwe yavo, co vanazala vikeleya. Vambanda vanakulamesa mitwe yavo asi.

Mbimbi 5:16

Nacimo cuma cinasalao lalo cai ku vije twalyalesele navyo. Twalingile vuvi, co ololo tunanyongo.

Ezekiyele 16:12

Njakwakele kanzeya ku majulu ove, na vimbilingwa ku matwi ove, nakukuzika cilongo cacivwa ku mutwe wove.

Ezekiyele 21:26

Munjinendeka yange Kalunga wa Akamwa ya Vyoshe. Tundisa cilongo cove na kalupusa kove. Cuma nacimo cai cikalifwa lalo. Aka ku vukama vaje vavandondo, co lalo aka kuvundondo vaje valinakushwana.

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

Ezekiyele 24:23

Mukazala tulupusa ku mitwe yeni, nakuzala vin̄aku ku mendi eni, kumukalinyenge, nambe kulila, oloni mukanyonga omwo vuvi vweni, co umo na umo weni akakemanga.

Ezekiyele 44:18

Ngecivene, kutewesa kutukuta, vanapande kuzala tulupusa twa linyu na twenda-mushelengwa twa linyu, oloni kesi na mwiva embwe.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Mateo 18:4

Woshe alikeesa ngwe mwanike wamundondo, ikeye napu wakama mu Vumwene vwa mwilu kutuvakana vakwavo.

Yakomba 4:10

Likeeseni yeni vavenya ku mesho a Njambi, co ikeye akamijundula.

1 Petulu 5:6

Likeeseni yeni vavenya mwisi ya livoko lya nzili lya Njambi, ngeci amijundule a simbu yendi yaivwa.