Njelemiya 13:14 - Livulu lya Shukulu Kalunga

¹⁴ Asinoni njikavalingisa ngeci valitsene umo na mukwavo ngwe vinjava, kunjikakala na mema ku mbunge kuli mukulunu nambe mukwenje, co voshe vakanyonga.’ ”

Njelemiya 13:14 Iomraidhean Croise

2 Mizimbu 20:23

VaAmoni na vaMowavi valwisile vaEndome nakuvanyongesa njwa, co valitengulukilile vakevo vavenya nakulilwisa.

Yombi 27:22

co Njambi akavasha kwa mema ku mbunge, omo vashaka ngeci vatewe kuli ikeye.

Myaso 2:9

Ukavapokola na mulamu wa cikuvo, nakuvasanyozola vimbazuvwila-mbazuvwila, ngwe vitambi vya ndeo ya vuma.’ ”

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 15:5

Shukulu Kalunga alinakwendeka ngwendi, “Yeni vanu va mu Yelusalema, iyajo akamizivilako ngozi? Iyajo akamizivilako vusiwa? Iyajo akalipesa kumihula vati mumunendukila?

Njelemiya 15:6

Yeni vanu vange munanjivyana nakunjiseza, munanjikengesa nima. Njinajuka kumizivila mema ku mbunge, cooni njikaminyongesa.

Njelemiya 16:5

“Kuwapandele kukovela mu njuvo muje valinakulila. Kesi ukazivile vusiwa a munu umo. Omwo njinatundisa kwoloka kuli vanu ava, na cizemo, na mema ku mbunge.

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 25:16

Co omo vakevo vananumo, vakapelyangela, co mana avo akaya mweka omwo a nzita ije njituma kuli vakevo yakuvalwisa.”

Njelemiya 47:3

Vakaziva cililimo ca vimbemba vya tuvalu, na cililimo ca mavalo a matemba. Visemi vakaseza vana vavo, omwo ya lyova manene.

Njelemiya 48:12

“Ngecivene, kengeni, simbu ilinakwija omo njikatuma vanu vaketila Mowavi ngwe vinyu. Vakaseza vinjava vya vinyu mupulungwa nakuvitavozola mu vimbazuvwila-vimbazuvwila.

Njelemiya 6:21

Ngecivene, njikatanukisa vanu ava ngeci vawe. Vaishavo na vana vavo vakatsa, vasamba na vandambo vakatsa lalo.”

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Ezekiyele 7:3

“Isalele, kukotoka cinete. Njikaluvala nove, omwo njikakusompa a vije viwunalingi. Njikakwilwisila vilinga vyove vya vunyengwe vyoshe viwunalingi.

Ezekiyele 7:4

Nalumo lwai njikakusezao, nambe kukuzivila mema ku mbunge. Njikakunyanyamesa omwo a vyuma vya vunyengwe vije viwunalingi, ukazivuke ngeci kuma yange Kalunga.”

Ezekiyele 7:9

Kunjikakusezao nambe kukuzivila mema ku mbunge. Njikakunyanyamesa omwo vyuma vya vunyengwe viwunalingi, ngeci uzivuke ngwove kuma yange Kalunga, yange muka-kuminyanyamesa.”

Ezekiyele 8:18

Vakaziva nzili yoshe ya vukalu vwange. Kunjikavecelela ngoco, nambe kuvazivilako mema ku mbunge. Vakalombela nakutambeka kuli yange ngwe muvasela, oloni kunjikavatolilila.”

Ezekiyele 9:10

Oloni kunjikavazivilako mema ku mbunge, njikalinga kuli vakevo ngwe vije vivanalingi kuli vakwavo.”

Ezekiyele 9:5

Co njazivile Njambi endeka lalo kuli vaje vanalume vakwavo ngwendi, “Mukaveni mu nganda, co tsiyeni. Kesi musezeo munu, kesi muzivileo munu umo mema ku mbunge.

Hoziya 2:4

Kunjikazeme vana vendi, omwo vanapu vana va cikwizi wa shwamwa.

Zakaliya 11:6

(Shukulu Kalunga wendekele ngwendi, “Kunjikatetela lalo munu ano asi naumo wai. Oloni njikaka vanu voshe mu mavoko a vaka-kushwana. Co vaka-kushwana vaje vakaviisa asi, co kunjikaamena ku mavoko avo.”)

Mateo 10:21

“Vanu vakatwala vasamba vavo ku kutsa, co vaishavo vakalinga kuli vana vavo cifwa eci lalo, co vana vakatengulukila visemi vavo nakuvatwala ku kutsa.

Mako 13:12

Co musamba akatwala musamba wendi ku kutsa, co vaishavo lalo vakalinga cuma cimo kuli vana vavo. Co vana vakatengulukila visemi vavo nakuvatwala ku kutsa.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

1 Samwele 14:16

Vanu va Saulu vaje vavandamenene ku Ngimbeya mu lifuti lya Mbenjemani vamwene vaFilisitiya vali na kuuya-uya nakushatozoka.