Njelemiya 13:11 - Livulu lya Shukulu Kalunga

¹¹ Ngwe mwiva muukakakateya mu mbunda ya munu, mukemwo vene vanu va mu Isalele voshe, na vanu va mu Yunda voshe vakakateyeye kuli yange. Njalingile vyuma evi ngeci vapwe vanu vange, co vakalemese nakusingimika lizina lyange, oloni kuvanjononokele.”

Njelemiya 13:11 Iomraidhean Croise

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Myaso 147:20

Kalingile cuma eci na miyati yeka embwe, omwo vakevo kuvazivuka mashiko endi. Shangazaleni Shukulu Kalunga!

Myaso 81:11

“Oloni vanu vange kuvesi nakunjitolilila, Isalele kuvesi nakunjononoka.

Isaya 43:21

Vakevo vanapu vanu vaje njalitangelele, co vakaimba nakunjishangazala!”

Isaya 62:12

Vakamitumbula ngwavo, “Vanu Vakujela va Njambi.” “Vanu Vanamena Shukulu Kalunga.” Yelusalema vakaitumbula ngwavo, “Nganda Yazema Njambi.” “Nganda Ije Kevalele Njambi.”

Njelemiya 13:1

Shukulu Kalunga wendekele kuli yange ngwendi, “Ya ukalande mwiva wa linyu uukute mu mbunda yove, oloni kesi uumbwateke mu mema.”

Njelemiya 13:10

Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 13:12

Shukulu Kalunga Njambi wendekele kuli yange ngwendi, “Njelemiya, leka vanu va Isalele vaake vinyu mu vinjava vyavo nakuvishulisa. Nga vakukumbulula ngwavo tuzivuka ngwetu vinjava vya vinyu vyoshe vikashulu vene na vinyu ngwe mutuzivuka nalaja.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 32:20

Ku san̄ulu walingile vizivukiso na vikomokeso vyakukomokesa mu Ingito, co wakele nakuvilinga nakweta ku litangwa lya lelo mu Isalele, na akati ka miyati yoshe yeka, ngecivene, ololo vanakuzivuka kwoshe-ikwoshe.

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Njelemiya 6:17

Asinoni Shukulu Kalunga wemikile vaka-kwimanena kunangula vanu vya vushonde, oloni vendekele ngwavo, “Kutukatolililako.”

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Njelemiya 7:23

Oloni njavashikile lika ngwange nga vanjononoka, yange njikapwa nji Njambi yavo, na vakevo vapwe vanu vange, co vyuma vyoshe vikakala mwamuvwa kuli vakevo.

Njelemiya 7:24

Vakukulwila veni kuvononokele nambe kumbako mbunge, oloni valingile ngwe muvyavalekele vimbunge vyavo vyakukaluwa, co vaviile manene.

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Amose 3:1

Yeni vanu va Isalele, tolilileni majwi awa anendeka Shukulu Kalunga kuli yeni, muyati woshe vaje vaatundisile ku Ingito,

Luka 10:11

‘Likungu lya nganda yeni lije lili ku myanja yetu tuli nakumitotomwenalyo. Oloni anukeni ngweni Vumwene vwa Njambi vunaija kuyehi neni!’

Kwituluka mu Mashiko 26:18

Co lalo litangwa lya lelo Shukulu Kalunga nendeka ali yeni ngeci munapu mu vanu vendi, ngwe muje wamikulaesele. Co lalo munapande kunyunga mashiko endi oshe,

Kwituluka mu Mashiko 26:19

ngeci akamipwise muyati wakama kutuvakana miyati yeka yoshe ije yatangele, ngeci vakamishangazale, na lutsimo, na kalemeso. Co mukapwa mu vanu vakujela kuli Shukulu Kalunga Njambi yeni ngwe mwamikulaesele.”

Kwituluka mu Mashiko 4:7

“Kukwesi muyati weka wakama lalo, nambe wakufwa vati, vaje vali na njambi yavo muyehi, omo vakevo vamushaka, ngwe Shukulu Kalunga Njambi yetu ali netu. Ikeye atukumbulula omo tulomba kuli ikeye.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.