Njelemiya 13:10 - Livulu lya Shukulu Kalunga

¹⁰ Vanu ava vanapu vavavi omwo vanavyana kwononoka majwi ange. Vakevo vanakaluwisa vimbunge vyavo manene kutuvakana akulivanga, vanalemesa nakupangela vinjambi veka. Ngecivene, vakafwa ngwe ou mwiva wakuliwa.

Njelemiya 13:10 Iomraidhean Croise

Myaso 78:8

Vakevo kuvakapu ngwe vakukulwila vavo, vanu vakukaluwa vimbunge nakujeneka kwononoka, vanu vaje kuvakulaelele Njambi, co kuvapwile va kulongwa kuli ikeye.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 11:18

Shukulu Kalunga wanjinangwile a matumbe aje avayongwele vitozi vange ali yange.

Njelemiya 13:7

Ngecivene, njaile, co omo njetele ku mutambela uje kunjashwekele uje mwiva, njauwanene unaliwa.

Njelemiya 16:12

Oloni yeni mwalingi mwamuvi manene kutuvakana vakukulwila veni. Muvavoshe munapu vaka-kukaluwisa vimbunge vyeni na vuvi, co kumwesi kunjononoka.

Njelemiya 16:4

Vakatsa ku mushongo wakukomokesa, co naumo wai akavalila nambe kuvatsinda. Mivila yavo ikalala asi ngwe mitumbo ya vwilo. Vakavatsiila mu nzita nakulanduka ku njala ya lyangengela, co mivila yavo ikapwa vyakulya vya tuzila na tusitu.

Njelemiya 20:4

Vavenya Shukulu Kalunga nendeka ngwendi, ‘Njikakupwisa muka-lyova, co lalo ukakala na lyova na vasamba vove, co voshe ukavamona vavatsiya vitozi vavo na mukwale. Njikana vanu voshe va mu Yunda mu livoko lya mwene wa ku Mbambilone, ikeye akavatwala mu vunzinda ku Mbambilone, co vamo akavatsiya.

Njelemiya 22:21

Shukulu Kalunga wendekele neni omo mwakele mwamuvwa, oloni mwavyanene kumutolilila. Eci cikeco cifwa ceni tunde ku vwanike, kumwononokele Shukulu Kalunga.

Njelemiya 23:17

Valeka vanu vaje vanavyana kutolilila kuli yange ngwavo vakakala mu kwoloka, co valeka woshe uje nakaluwisa mbunge yendi ngwavo kukwesi vukalu vukaija kuli ikeye.”

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 44:16

“Yetu twavyana kutolilila ku vije viwutuleka mu lizina lya Shukulu Kalunga.

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 7:13

Munalingi vuvi vwoshe ovu, nameme njendekele kuli yeni visimbu vyavingi, oloni kumwanjitolililile. Njamisanene, oloni kumwanjikumbulwile.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Njelemiya 8:5

Omwo vikajo vanu vange mulinakutunda kuli yange kujeneka kwiluka? Mukakateya ku tumponya tweni, co munavyana kwiluka kuli yange.

Njelemiya 9:13

Shukulu Kalunga wakumbulwile ngwendi, “Eci cinalingiwa omwo vanu vange vanavyana vilongesa vije vinjavanene. Kuvanjononokele, nambe kulinga vije njavalekele.

Njelemiya 9:14

Oloni vanakaluwisa vimbunge vyavo nakulemesa kamponya Mbale ngeci muvalingile vakukulwila vavo.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Kulava 14:11

Shukulu Kalunga wendekele kuli Mosesa ngwendi, “Visimbu vingai vanu ava vakanjishaula? Co lalo visimbu vingai vakavyana kunjikulaela nameme vamwene vikomokeso vyoshe vije njalingile akati kavo?

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?